លោក រស់ យូហួត អគ្គលេខាធិការសមាគមសារព័ត៌មានសុក្រឹត តំណាងលោក នួន នី ប្រធានសមាគម អញ្ជើញចុះសួរសុខទុកនាំយកអំណោយមូលនិធិមនុស្សធម៌របស់សមាគមសារព័ត៌មានសុក្រឹត ប្រគល់ជូនទៅលោកយាយ បូ៊ កែវមានជន្មាយុ៩៣ឆ្នាំ!!!

ភ្នំពេញ៖នារព្រឹកថ្ងៃសៅរ៍ ៣រោច ខែពិសាខ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៥ ខែឧសភា ឆ្នាំ២០២៤  លោក រស់ យូហួត អគ្គលេខាធិការសមាគមសារព័ត៌មានសុក្រឹត  តំណាងលោក នួន នី ប្រធានសមាគមនិង ថ្នាក់ដឹកនាំសមាគមសារព័ត៌មានសុក្រឹត អញ្ជើញចុះសួរសុខទុកនាំយកអំណោយមូលនិធិមនុស្សធម៌របស់សមាគមសារព័ត៌មានសុក្រឹត ជូនលោកយាយ ប៊ូ កែវ មានជន្មាយុ៩៣ឆ្នាំ មានកូននៅក្នុងបន្ទុកចំនួន ១នាក់ មានជីវភាពខ្វះខាតបច្ចុប្បន្ន រស់នៅភូមិវែង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។

គ្រឿងឧបភោគ បរិភោគដូចជា៖

១.អង្ករ ១០គីឡូក្រាម

២.ទឹកត្រី ១យួរ

៣.ទឹកស៊ីអ៊ីវ ១យួរ

៤.ប៊ីចេង ២កញ្ចប់

៥.ត្រីខកំប៉ុង ១យួរ

៦.មីម៉ាម៉ា ១កេះ

៧.មីញាំលេខ ១ប្រអប់

៨.នំស្រួយ OMO ១កញ្ចប់

៩.នំ OMO ២កញ្ចប់

១០.ថវិការចំនួន ៥ម៉ឺនរៀល

នាឱកាសនោះលោក រស់ យូហួត អគ្គលេខាធិការ បាននាំយកនូវប្រសាសន៍ផ្តាំផ្ញើសាកសួរសុខទុក្ខពីលោក នួន នី ប្រធានសមាគម ជូនពរលោកយាយទទួលបានសុខភាពល្អរឹងមាំងអាយុយឺនយូរជៀសពីជំងឺទាំងពួងទាំង សូមលោកយាយថែទាំសុខភាពនិងឧស្សាហ៍ទៅពិនិត្យសុខភាពតាមមណ្ឌលសុខភាពឱ្យបានញឹកញាប់។

លោកយាយ ប៊ូ កែវ មានជន្មាយុ៩៣ឆ្នាំ បានអំពាវនាវទៅដល់ពុកម៉ែបងប្អូនសប្បុរសធម៍និងសប្បុរសជនក្នុងនិងក្រៅប្រទេសជួយដល់គាត់ផងគាត់ចាស់ហើយគ្មានទីពឹងទេ និងមានប្រសាសន៍សូមជូនពរឱ្យសមាគមសារព័ត៌មានសុក្រឹតនិងក្រុមការងារសុំឲ្យរីកចម្រើនឈានទៅមុខបន្តទៀត ទៅណាមកណាប្រកបដោយសុវត្ថិភាពនិងជូនពរសមាគមជួបតែសេចក្តីសុខសេចក្តីចម្រើន។

សមាគមសារព័ត៌មានសុក្រឹតក្រោមការដឹកនាំលោក នួន នី ប្រធានសមាគម លោកប្រធានតែងតែគិតគូរិះគិតគ្រប់មធ្យោបាយចូលរួមកិច្ចការសង្គមការងារមនុស្សធម៌គិតគូដល់បងប្អូនជាសមាជិកមិនមែនជាសមាជិកនិងប្រជាជនពលរដ្ឋមានជីវភាពខ្វះខាតតាមរយៈអ្នកសារព័ត៌មានផ្សព្វផ្សាយ។

កិច្ចការមនុស្សធម៌របស់សមាគមសារព័ត៌មានសុក្រឹតដោយមានម្ចាស់ជំនួយឧបត្ថម្ភដោយសិប្បកម្មសញ្ញាតាញញឹមនិងម្ចាស់ដេប៉ូ VCសូមអរគុណ។