សម្តេចតេជោ ហ៊ុន សែន ផ្ញើសារសារសំឡេងស្នើឱ្យលោកស្រី ទ្រី ដាណា និង​អ្នក​ផ្សព្វផ្សាយវប្បធម៌ ទទួលយកការណែនាំកែ តម្រូវរបស់ក្រសួងវប្បធម៌..!!!

ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា​បានចេញសារពិសេសមួយនៅព្រឹកថ្ងៃទី០៨ ខែមីនា ឆ្នាំ២០២៣ ឆ្លើយតប​នឹងវិវាទរវាងលោកស្រី ទ្រី ដាណា ជាមួយក្រសួងវប្បធម៌ និងវិចិត្រសិល្បៈ ពាក់ព័ន្ធបំណងបង្ហាញសម្លៀកបំពាក់បែបបុរាណ ក្នុងព្រឹត្តិការណ៍​អង្គរ​សង្ក្រាន្ត ដោយសម្ដេច បានស្នើឱ្យលោកស្រី ទ្រី ដាណា និងអ្នក​ផ្សព្វផ្សាយ​វប្បធម៌ ទទួលយកការណែនាំ កែតម្រូវ របស់ក្រសួងវប្បធម៌ ។

តាមរយៈសារសំឡេងដែលមានរយៈពេលជាង១៣នាទីសម្តេចតេជោនាយករដ្ឋមន្ត្រីបានគាំទ្រចំណាត់ការ​របស់ក្រសួងវប្បធម៌ និងវិចិត្រសិល្បៈ។ សម្តេច​តេជោមានប្រសាសន៍ ថា ការផ្ទៀងផ្ទាត់ឱ្យបានត្រឹមត្រូវលើ​ទម្រង់សម្លៀក​បំពាក់​នោះ ចៀសវាងនាំមកនូវការភ័ន្តច្រឡំ នៅពេលយកទៅស្លៀកបង្ហាញ​ជាសាធារណៈក្នុងព្រឹត្តិការណ៍អង្គរសង្ក្រាន្ត។

សម្តេចតេជោបានបញ្ជាក់ថា សម្លៀកបំពាក់ពីជំនាន់បុរាណ ចាំបាច់ត្រូវតែធ្វើ​ឱ្យបានត្រឹមត្រូវ។ បើមិនដូច្នោះទេ បន្ទាប់ពីយើងដាក់តាំងបង្ហាញហើយនោះ គឺយើងបានថតហើយបង្ហោះចេញ។ អ៊ីចឹងទេ ម្ខាងធ្វើឱ្យខូចនូវច្បាប់ដើម​របស់យើង ។ចំណែកម្ខាងទៀត អាចនឹងប្រទេសជិតខាងរបស់យើង​ចោទ​ប្រកាន់ថា យើងបានលួចចម្លងពីប្រទេសរបស់គេ។ នេះជារឿងដែលខ្ញុំ​ព្រះករុណា ខ្ញុំត្រូវតែពន្យល់លោកស្រី ទ្រី ដាណា ក៏ដូចជាពន្យល់ទៅដល់​ព្រះ​សង្ឃ និងប្រជាពលរដ្ឋទាំងអស់ថា ក្រសួងវប្បធម៌ គឺជាសេនាធិការ ដើម្បីការពារវប្បធម៌ដូនតារបស់យើង មិនមែនក្រសួងមានការតឹងតែងទេ ។

#ដោយលោក សៅ កុសល ហៅតាខ្មៅ០៤..!!!