Ticker

10/ព័ត៌មានជាតិ/ticker-posts

លោកឧត្តមសេនីយ៍ទោ​ ឯម​ កុសល​ ស្នងការនគរបាលខេត្តកំពង់ចាមអញ្ជើញ​ចូលរួមគោរពវិញ្ញាណក្ខន្ធសព​ និងបំពាក់ឋានន្តរស័ក្តិ ជាកិច្ចបច្ឆាមរណៈថ្នាក់វរសេនីយ៍ទោ​ ជូនសព​លោកនាយប៉ុស្តិ៍នគរបាលរដ្ឋបាលដងក្ដា!!!

ខេត្តកំពង់ចាម៖នៅព្រឹកថ្ងៃពុធ​ ទី០៤ ខែឧសភា​​ ឆ្នាំ​២០២២​ លោកឧត្តមសេនីយ៍ទោ​ ឯម​ កុសល​ ស្នងការនគរបាលខេត្តកំពង់ចាម​ បានដឹកនាំ​ លោក-លោកស្រី​ ស្នងការរង​ នាយការិយាល័យ​ជំនាញ លោកអធិការនគរបាល​ស្រុក និងមន្រ្តីនគរបាល​ នៃអធិការដ្ឋាន​នគរបាល​ស្រុក​ស្ទឹងត្រង់​ អញ្ជើញ​ចូលរួមគោរពវិញ្ញាណក្ខន្ធសព​ និងបំពាក់ឋានន្តរស័ក្តិ ជាកិច្ចបច្ឆាមរណៈថ្នាក់វរសេនីយ៍ទោ​ ជូនសព​លោកវរសេនីយ៍ត្រី​ ដេន​ ឃីម នាយប៉ុស្តិ៍​នគរបាលរដ្ឋបាលដងក្ដានៃអធិការដ្ឋាននគរបាលស្រុកស្ទឹងត្រង់ ដែលបានទទួលមរណៈភាព​ កាលពីយប់ថ្ងៃ អាទិត្យ​ ទី០១​ ខែឧសភា​ ឆ្នាំ២០២២​ វេលាម៉ោង​ ២៣:៤៥នាទី​យប់​ ក្នុងជន្មាយុ​ ៤៥វស្សា​ ដោយគាំងបេះដូង​ ក្នុងប្រតិបត្តិការ​បំពេញបេសកកម្ម​ការងារ​ ដឹកនាំកម្លាំងចុះល្បាតចល័តក្នុងភូមិសាស្រ្តឃុំដងក្ដា​ ស្រុកស្ទឹងត្រង់​ ខេត្តកំពង់ចាម​ ។

ក្នុងឱកាសដ៍ក្រៀមក្រំនោះដែរ​ ​លោកឧត្តមសេនីយ៍ស្នងការ​ញុំក៍បាននាំយកបច្ច័យ​​ និងគ្រឿងឧបភោគបរិភោគ​ដ៍ជ្រះថ្លា​របស់​ឯកឧត្ដម​ នាយឧត្តមសេនីយ៍​ សន្តិបណ្ឌិ​ត​ នេត​ សាវឿន​ អគ្គស្នងការនគរបាលជាតិ​​មាន ថវិកាចំនួន​ ៥,០០០,០០០​ រៀល អង្ករ​០១បេ(៥០គីឡូក្រាម​) ទឹកក្រូច០៣កេស​ មី០២កេស​ ទឹកសុទ្ធ​០២កេស​​ ដេីម្បី​ចូលរួមក្នុងពធីបុណ្យសព ដែលសរុបជាបច្ច័យរួម​ ​ចំនួន​ ៥,៤០០០,០០០រៀល​ ។



Post a Comment

0 Comments