សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

ប្រជាពលរដ្ឋជាច្រើនស្នើសុំដល់ឯកឧត្តម ឃួង ស្រេង អភិបាលរាជធានីភ្នំពេញ ជួយពិនិត្យមើលដងផ្លូវជាតិលេខ១ ផងរងការខូតខាតជាបណ្តើរហើយ!!!

ដោយ :សារព័ត៌មានរស្មីក្រុងតាខ្មៅ-ញូស៍

ភ្នំពេញ៖ ចេញផ្សាយនៅថ្ងៃទី៣០.១១.២០២១ប្រជាពលរដ្ឋជាច្រើនធ្វើដំណើរតាមបណ្តោយផ្លូវជាតិលេខ១កំពុងតែរិះគន់ថានៅ ចំណុចមុខក្រុមហ៊ុនក្រឡុកស៊ីម៉ង់ត៍ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ កំពុងតែរងការខូចខាតយ៉ាងដំណំ ខណៈដែលរថយន្តធុនធំមានទម្ងន់រាប់សិបតោនបើកកាត់ចំគំរបលូ បាក់បែកខ្ទេច បណ្តាលឲ្យមានការកកស្ទះទឹក មិនហូរចូលក្នុងលូ ហូរតែពីលើលូធ្វើឱ្យប៉ះពាល់ដល់បរិស្ថាន ពលរដ្ឋដែលរស់នៅក្បែរនោះ។

ប្រជាពលរដ្ឋដែលរស់នៅក្បែរនោះ មានការ​សោកស្តាយ ចំពោះ​សមិទ្ធផល​ហេដ្ឋារចនាសម្ព័ន្ធ គឺ​ផ្លូវជាតិលេខ១​ ដែលមានបណ្តាញប្រព័ន្ធលូបង្ហូរទឹក បបែរជារងការខូចខាតជា​បណ្តើរៗ ដោយសារតែ​រថយន្តធុនធំរបស់​ក្រុម​ឈ្មួញ​មួយចំនួន កំពុង​នាំគ្នា​ដឹក​យ៉ាង​គគ្រឹកគគ្រេង មាន​ទម្ងន់​រាប់​សិបតោន បណ្តាលឱ្យ​ផ្លូវ និង​លូ ខូចខ្ទិច ក្លាយទៅជា​ជង្ហុក​តូចធំ រីឯ​អាជ្ញាធរខណ្ឌ​ច្បារអំពៅ ដែល​ដឹកនាំ​ដោយ​លោក ចេង មុនីរ៉ា អភិបាល​ខណ្ឌ​ បែរជា​នៅ​សម្ងំ​ស្ងៀម ហាក់​បី​ដូច​ជា​មិន​អើពើបន្តិច​សោះ​ឡើយ​។​

​ប្រជាពលរដ្ឋ​បន្តទៀតថា៖ «រថយន្ត​ធុន​ធំ​ទាំងនោះ មិន​ត្រឹមតែ​ដឹក​ធ្ងន់​នោះទេ គឺបើកបរ​គ្មាន​សំចៃ​ឡើយ ក្នុង​ល្បឿន​លឿន ទោះបីជា​ផ្លូវត្រូវ​បត់ ឬផ្លូវចង្អៀត ក៏​មិន​គិតពី​សុវត្ថិភាព​ប្រជាពលរដ្ឋ​រស់នៅ​តាម​ដងផ្លូវ​ដែរ​»។

​ពលរដ្ឋ​រូប​នោះបាន​បញ្ជាក់ថា៖ បើសិនជា​រថយន្ត​ទាំងនោះ នៅដឹកបែបនេះ ទោះបីជាថ្នាក់​ដឹកនាំ​ខិតខំ​ជួសជុល ឬ​ធ្វើ​ផ្លូវ​ក្រាល​កៅស៊ូ​ថ្មីៗ ដាក់​ប្រព័ន្ធ​លូ ចំណាយ​អស់​ថវិកាជាតិ​រាប់លាន​ដូល្លា ក៏​មិនអាច​ប្រើប្រាស់​ផ្លូវ​នោះបាន​យូរអង្វែង​ដែរ (ពោលគឺ​៖ ខូចខាត​អស់​ទៅវិញ​យ៉ាង​ឆាប់រហ័ស ដោយសារតែ​ក្រុម​ឈ្មួញ​មួយ​ក្តាប់​តូច ជា​អ្នក​បំផ្លិចបំផ្លាញ​)។

ប្រជាពលរដ្ឋ ក៏បានរិះគន់ចំៗ ចំពោះភាពអសកម្មរបស់អាជ្ញាធរមូលដ្ឋាន (ពោលគឺ) ពលរដ្ឋរាយការណ៍និងស្នើសុំឱ្យជួយចុះពិនិត្យ បែរជាឆ្លើយយ៉ាងខ្លីថា៖ «ទទួលបានបង» រីឯភាពទទួលខុសត្រូវបែរជាស្ងាត់ជ្រងំ។

ប្រជាពលរដ្ឋជា​ច្រើន ស្នើសុំ​ដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សូមមេត្តាចាត់មន្ត្រីចុះពិនិត្យមើលស្ថានភាពផ្លូវនៅចំណុចខាងលើនេះផងទានដើម្បីជាការចូលរួមរក្សាសមិទ្ធផល​ហេដ្ឋារចនាសម្ព័នរបស់ជាតិ៕



No comments