ពិតជាខ្លាំងមែន! ទីតាំងល្បែងស៊ីសងខុសច្បាប់ ដែលមានខ្សែអ្នកធំ នៅពីក្រោយ នៅតែបើកលេងបានយ៉ាងរលូន ខណៈសមត្ថកិច្ចក្នុងមូលដ្ឋានមិនហ៊ានប៉ះពាល់ឡើយ_វគ្គ២
ពិតជាខ្លាំងមែន! ទីតាំងល្បែងស៊ីសងខុសច្បាប់ ដែលមានខ្សែអ្នកធំ នៅពីក្រោយ នៅតែបើកលេងបានយ៉ាងរលូន ខណៈសមត្ថកិច្ចក្នុងមូលដ្ឋានមិនហ៊ានប៉ះពាល់ឡើយ_វគ្គ២
ផ្សាយចេញនៅថ្ងៃទី០៦ ខែកញ្ញា ឆ្នាំ២០២១
កំពង់ចាម៖ ទីតាំងល្បែងស៊ីសងខុសច្បាប់ «មាន់ជល់ ហាយឡាយ បង្គប់អាប៉ោង» ដែលមានខ្សែអ្នកធំ នៅពីក្រោយ ដែលស្ថិតនៅ ភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម នៅតែបើកដំណើរការបានយ៉ាងរលូន ដោយសារតែសមត្ថកិច្ចក្នុងមូលដ្ឋាន មិនហ៊ានប៉ះពាល់ ព្រោះមានខ្សែធំ។
តាមសេចក្តីរាយការណ៍ពីប្រជាពលរដ្ឋ បានឲ្យដឹងថា៖ «ម្ចាស់ទីតាំងបនល្បែងស៊ីសងខុសច្បាប់ខាងលើ មានឈ្មោះ ចូច ភេទប្រុស បានដើរប្រមូលផ្ដុំ ជនញៀនល្បែងឲ្យមកលេង ល្បែងភ្នាល់ដាក់លុយ ដោយភ្នាល់ មួយគួរៗ រាប់រយលានរៀល ថែមទាំងស្រែកហ៊ោកញ្ជ្រៀវ ឡូឡាពេលឈ្នះចាញ់ម្តងៗ»។
ចំណែកលោក នាយប៉ុស្តិ៍នគរបាល ឃុំផ្អាវ ធ្លាប់ប្រាប់សារព័ត៌មាន កាលពីថ្ងៃទី៣០ ខែកញ្ញា ថា៖ «ឈ្មោះ ចូច ម្ចាស់ទីតាំងល្បែងស៊ីសងខុសច្បាប់ខាងលើនេះ មានខ្សែធំណាស់ នៅពីក្រោយ! ចំណែកគាត់ត្រឹមតែជាសមត្ថកិច្ចនាយប៉ុស្តិ៍ថ្នាក់ក្រោម គ្មានសមត្ថភាពបង្ក្រាបនោះទេ»។
ពាក់ព័ន្ធទៅនិង ករណីល្បែងស៊ីសងខុសច្បាប់ដុះស្លែ ដែលមានខ្សែអ្នកធំនៅពីក្រោយនេះ ប្រជាពលរដ្ឋជាច្រើន បានសម្តែងការព្រួយបារម្ភយ៉ាងខ្លាំងចំពោះ សុខសុវត្ថិភាព របស់ពួកគាត់ (ក្រោមហេតុផល)៖ កាលណាបើមានល្បែងស៊ីសងក្នុងមូលដ្ឋានហើយនោះ ប្រាកដជាមាន បទល្មើស កើតឡើងជាបន្តបន្ទាប់ជាក់ជាមិនខាន ជាពិសេស ករណីលួច ឆក់ ប្លន់សម្លាប់ និងបទល្មើសផ្សេងៗជាច្រើនទៀត ព្រោះល្បែងស៊ីសងនេះគឺជាដើមចមនៃបទល្មើស។
គួរបញ្ជាក់ថា៖ ទីតាំងល្បែងស៊ីសងខុសច្បាប់ខាងលើនេះ លោក សំ ណាល់ អធិការនគរបាលស្រុកបាធាយ នៃស្នងការនគរបាលខេត្តកំពង់ចាម ធ្លាប់បានខលមកអង្គភាពសារព័ត៌មានយើង នឹងសុំឲ្យលុព័ត៌មានចោលទាំងស្រុង! ចំណែកបទល្មើសបែរជានៅតែបន្តបើកដំណើរការបានដោយរលូនទៅវិញ។
តើលោក សំ ណាល់ អធិការនគរបាលស្រុកបាធាយ នៃស្នងការនគរបាលខេត្តកំពង់ចាម មានសមត្ថភាព បង្ក្រាបទីតាំងល្បែងស៊ីសងខុសច្បាប់ របស់លោក ចូច ដែលមានខ្សែធំ នេះបានដែរឬយ៉ាងណា?
មហាជនជាច្រើន កំពុងរង់ចាំមើលចំណាត់ការ របស់អាជ្ញាធរមានសមត្ថកិច្ច ពាក់ព័ន្ធក្នុងមូលដ្ឋាន និង កំពុងរង់ចាំមើលចំណាត់ការរបស់ លោក សំ ណាល់ អធិការនគរបាលស្រុកបាធាយ និងលោក ឯម កុសល ស្នងការដ្ឋាននគរបាលខេត្តកំពង់ចាម ហ៊ានចាត់កម្លាំងជំនាញ ចុះបង្ក្រាបម្ចាស់ទីតាំងល្បែងស៊ីសងខុសច្បាប់ ដែលមានខ្សែធំនៅពីក្រោយ ដែរឬទេ
ក្រុមការងារអ្នកសារព័ត៌មានយើង រងចាំ ការឆ្លើយបំភ្លឺ គ្រប់ ស្ថាប័ន ពាក់ព័ន្ធ គ្រប់ពេលម៉ោងធ្វើការ សូមអរគុណ៕
ការិយាល័យនិពន្ធទំនាក់ទំនងទូរសព្ទ
☎️0967117744
☎️017279124
No comments