កម្លាំងជំនាញនៃស្នងការខេត្តបាត់ដំបងឃាត់ខ្លួនជនសង្ស័យ៣នាក់ធ្វើសកម្មភាពកាច់សោរយកម៉ូតូ!!!!!

សន្តិសុខសង្គម

ផ្សាយពាណិជ្ជកម្ម

សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

កម្លាំងជំនាញនៃស្នងការខេត្តបាត់ដំបងឃាត់ខ្លួនជនសង្ស័យ៣នាក់ធ្វើសកម្មភាពកាច់សោរយកម៉ូតូ!!!!!

..................................................................

ខេត្តបាត់ដំបង៖ដោយអនុវត្តន៍តាមការណែនាំបញ្ជាផ្ទាល់ពី ឯកឧត្ដម ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងមានការសម្របសម្រួលលើនីតិវិធីពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ១៤ ខែ កក្កដា ឆ្នាំ ២០២១ វេលាម៉ោង ០៩:៣៧ នាទី នៅចំណុចផ្លូវលំ ស្ថិតក្នុងភូមិរំចេក៤ សង្កាត់ រតនៈ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំ កម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងការិយាល័យជំនាញ ចុះប្រតិបត្តិការបង្ក្រាបករណី លួចមានស្ថនទម្ងន់ទោស ( កាច់សោរ យកម៉ូតូ ) ០១ ករណី នឹងបានធ្វេីការឃាត់ខ្លួនជនសង្ស័យចំនួន ០៣ នាក់ មកកាន់ស្នងការដ្ឋាន ។

១/ឈ្មោះ កែវ សុខុម ហៅ ម៉ាប់ ភេទប្រុស អាយុ ២៦ ឆ្នាំ ស្នាក់នៅបន្ទប់ជួល ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។ ( ជាអ្នកធ្វេីសកម្មភាព )

២/ឈ្មោះ សុខ ផានិត ភេទប្រុស អាយុ ៤៧ ឆ្នាំ មានទីលំនៅ ភូមិ ចំការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។ ( ជាអ្នកចូលរួម )

៣/ឈ្មោះ គន្ធ វុទ្ធា ហៅ ធា ភេទប្រុស អាយុ ២៧ ឆ្នាំ ស្នាក់នៅបន្ទប់ជួល ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។ ( ជាអ្នកចូលរួម )

ជនសង្ស័យឈ្មោះ កែវ សុខុម ហៅ ម៉ាប់ ខាងលេី ត្រូវបានជនសង្ស័យឈ្មោះ សុខ ផានិត ជិះម៉ូតូដឹកខ្លួនទៅធ្វេីសកម្មភាព កាច់សោរ យកម៉ូតូ របស់ជនរងគ្រោះ ឈ្មោះ ស៊ិន ឃុន ភេទស្រី អាយុ ៤៦ ឆ្នាំ នៅថ្ងៃទី ១៤ ខែ កក្កដា ឆ្នាំ ២០២១ វេលាម៉ោង ០២:២៨ នាទី រំលងអាធ្រាត្រ ដែលម៉ូតូជនរងគ្រោះបានចាក់សោរ ក ទុកនៅខាងក្រោមផ្ទះ នៅចំណុចភូមិធ្ង័រ ឃុំ ចែងមានជ័យ ស្រុកបាណន់ ខេត្តបាត់ដំបង ។