លោក កន សុខកាយ អភិបាល នៃគណៈអភិបាលស្រុកល្វាឯម និងជាប្រធានគណៈកម្មាធិការគ្រប់គ្រងជំងឺកូវីដ-១៩ ស្រុកល្វាឯមអញ្ជើញអមដំណើរ ឯកឧត្តម គង់ សុភ័ណ្ឌ អភិបាល នៃគណៈអភិបាលខេត្ត បានចុះសួរសុខទុក្ខ បងប្អូនប្រជាពលរដ្ឋដែលពាក់ព័ន្ធជាមួយនិងព្រឹត្តិការណ៍ថ្ងៃទី២០ ខែកុម្ភៈ..
.....................................................................
ខេត្តកណ្តាល៖នៅព្រឹកថ្ងៃអង្គារ៍ ៤រោច ខែផល្គុន ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០២ ខែមិនា ឆ្នាំ២០២១ ឯកឧត្តម គង់ សុភ័ណ្ឌ អភិបាល នៃគណៈអភិបាលខេត្ត និងជាប្រធានគណៈកម្មាធិការប្រគ្រប់គ្រងជំងឺកូវីដ-១៩(COVID-19) ខេត្តកណ្តាល បានអញ្ជេីញចុះសួរសុខទុក្ខ បងប្អូនប្រជាពលរដ្ឋដែលពាក់ព័ន្ធជាមួយនិងព្រឹត្តិការណ៍ថ្ងៃទី២០ ខែកុម្ភៈ ឆ្នាំ២០២១ អមដំណើរដោយ លោក កន សុខកាយ អភិបាល នៃគណៈអភិបាលស្រុកល្វាឯម និងជាប្រធានគណៈកម្មាធិការគ្រប់គ្រងជំងឺកូវីដ-១៩ ស្រុកល្វាឯមកុំពុងធ្វេីចត្តាឡីស័កនៅក្នុងមណ្ឌលចត្តាឡីស័កស្រុកល្វាឯម ដែលមានទីតាំងស្ថិតក្នុងវិទ្យាល័យ ហ៊ុន សែន ពាមឧកញ៉ាអុង ឃុំពាមឧកញ៉ាអុង ស្រុកល្វាឯម។
ព្រមទាំងមានការអញ្ជេីញចូលរួមពីសំណាក់ឯកឧត្តម នុត ពុធដារ៉ា អភិបាលរងខេត្តទទួលបន្ទុកស្រុកខ្សាច់កណ្តាល និងស្រុកល្វាឯម, ប្រធានមន្ទីរពាក់ព័ន្ធ, ស្នងការរងនគរបាលខេត្ត, មេបញ្ជាការរងរាជអាវុធហត្ថខេត្ត, លោក លោកស្រីអភិបាលរងស្រុក, នាយក នាយករងរដ្ឋបាលស្រុក, អធិការ អធការរងនគបាលស្រុក,ព្រមទាំង មន្ត្រីសាលាស្រុក យុវជន សសយក ព្រមទាំងកងកម្លាំង និងប្រជាការពារប្រចាំការនៅមណ្ឌលចត្តាឡីស័កស្រុក។
ក្នុងនោះផងដែរ ឯកឧត្តមអភិបាលខេត្ត និងជាប្រធានគណៈកម្មាធិការគ្រប់គ្រងជំងឺកូវីដ-១៩ ខេត្ត បានឧបត្ថម្ភថវិកាជូនដល់កងកម្លាំង យុវជន សសយក ព្រមទាំងកម្លាំងប្រជាការពារ ដែលប្រចាំការការពារមណ្ឌលចត្តាឡីស័កស្រុក ម្នាក់ៗថវិកា២០,០០០រៀល។
No comments