Ticker

10/ព័ត៌មានជាតិ/ticker-posts

លោក ពិន ប្រាកដ អភិបាលរង​នៃគណៈអភិបាលខេត្ត ជាតំណាងដ៏ខ្ពង់ខ្ពស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តចុះចែកម៉ាស់​ ចំនួន ៩​០០០ម៉ាស់​ខេត្តសៀមរាប

លោក ពិន ប្រាកដ អភិបាលរង​នៃគណៈអភិបាលខេត្ត ជាតំណាងដ៏ខ្ពង់ខ្ពស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តចុះចែកម៉ាស់​ ចំនួន ៩​០០០ម៉ាស់​ខេត្តសៀមរាប.

....................................................................

ខេត្តសៀមរាប៖នៅថ្ងៃទី០២​ ខែធ្នូ​ ឆ្នាំ២០២០ លោក ពិន ប្រាកដ អភអភិបាលរងខេត្តសៀមរាប តំណាងដ៏ខ្ពង់ខ្ពស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​ និងមានការចូលរួមពី​ អាជ្ញាធរមូលដ្ឋាន​ សមាជិក​ ស​សយក​ និងអ្នកពាក់ព័ន្ធ​ បាននាំយក​ អាកុល​ ចំនួន​៥០ដប​ និងម៉ាស់​ ចំនួន ៩​ ០០០ម៉ាស់​ ដែលជាអំណោយរបស់​សម្តេចតេជោ នាយករដ្ឋមន្ត្រី ចែកជូនដល់អាជីវករ​ផ្សាចាស់​ បងប្អូន​លក់ដូរជុំវិញផ្សាចាស់​ អាជីវករលក់ដូរជុំវិញផ្សារទំនេីប​អង្គរត្រេតសិនធ័រ​ អ្នកបេីកបរម៉ូតូកង់បី​ ម៉ូតូឌុប​ និងចែកជូនដល់រដ្ឋបាលសង្កាត់ស្វាយដង្គំ​ ដេីម្បីយកទៅប្រេីប្រាស់​ និងចែកជូនបន្តដល់បងប្អូនប្រជាពលរដ្ឋដែលបានមករកសេវានៅមូលដ្ឋានសង្កាត់ស្វាយដង្គំ។ 

នាឱកាសចែកនេះដែរ​ លោក អភិបាលរងខេត្ត​ ក៏បានណែនាំ​ និងផ្ដាំផ្ញេីដល់បងប្អូនអាជីវករ​ទាំងអស់ឲ្យចូលរួមពាក់ម៉ាស់​ ធ្វេីអនាម័យ​ និងរស់នៅស្អាតទាំងអស់គ្នា​ ដេីម្បីរួមចំណែកការពារ​ និងទប់ស្កាត់ការរីករាលដាល​ នៃជំងឺកូវីដ១៩​ និងបានបញ្ជាក់ពីការយកចិត្តទុកដាក់លេីបញ្ហាសុខភាពរបស់បងប្អូនអាជីវករ​ ក៏ដូចជាបងប្អូនប្រជាពលរដ្ឋទាំងអស់ពីអាជ្ញាធរខេត្ត​។ សកម្មភាពទាំងនេះសបញ្ជាក់ឲ្យឃេីញថា​ អាជ្ញាធរខេត្តមិនបានព្រងើយកន្តើយ លើវិធានការនានា​ដេីម្បីទប់ស្កាត់​ការរីករាលដាល​នៃជំងឺកូវីដ១៩​ ពិសេសការរីករាលដាលក្នុងសហគមន៍។ 

ជាមួយគ្នានេះ រដ្ឋបាលខេត្ត និងអាជ្ញាធរគ្រប់ថ្នាក់ សំណូមយ៉ាងទទូចដល់បងប្អូន​ប្រជាពលរដ្ឋទាំងអស់ មេត្តាកុំភ្លេចនូវ ៣ចំណុច សាមញ្ញៗគឺ៖

1.កុំភ្លេចវិធានការពារពាក់ម៉ាស់ ឬក្រម៉ា 

2.កុំភ្លេច ជែល អាកុល​ ឬលាងដៃនឹងសាប៊ូ

3.កុំភ្លេច រក្សាគម្លាតសុវត្ថិភាព​ និងចៀសវាងការជួបជុំលក្ខណៈទ្រង់ទ្រាយធំ។ រដ្ឋបាលខេត្តសង្ឃឹមយ៉ាងមុតមាំថា បងប្អូនប្រជាពលរដ្ឋទាំងអស់នឹងចូលរួមសហការទាំងអស់គ្នា ដើម្បីចូលរួមទប់ស្កាត់ និងអនុវត្តតាមវិធានការណែនាំរបស់រាជរដ្ឋាភិបាល និងក្រសួងសុខាភិបាល។

សូមបញ្ជាក់ថា តាមរយៈព្រឹត្តិការណ៍ ២៨ វិច្ឆិកា នៃការឆ្លងជំងឺកូវីដចូលដល់សហគមន៍ សម្តេចតេជោ នាយករដ្ឋមន្ត្រីបានប្រគល់ដល់រដ្ឋបាលខេត្តសៀមរាបនូវម៉ាសចំនួន ១លានម៉ាស សម្រាប់ចែកជូនប្រជាពលរដ្ឋ និងថវិកា ៨០លានរៀល សម្រាប់ផ្តល់ជូនប្រជាជនក្រីក្រ ដែលធ្វើចត្តាឡីស័ក្ត៕

(ដោយម៉ាន់មី តាខ្មៅ9)



Post a Comment

0 Comments