លោក​ កន​ សុខកាយ​ អភិបាល​ នៃគណៈអភិបាលស្រុកល្វាឯមអញ្ជើញជាអធិតីភាព ក្នុងកិច្ចប្រជុំពង្រឹងការអនុវត្តតួនាទីភារកិច្ច​ និងរបៀបរបបការងារមន្ត្រីរាជការរដ្ឋបាល,,,,,,,

ខេត្តកណ្ដាល៖នៅព្រឹកថ្ងៃអង្គារ ២កេីត ខែមិគសិរ ឆ្នាំជូត ទោស័ក ព.ស២៥៦៤ ត្រូវនិងថ្ងៃទី១៧ ខែវិច្ឆិកា ឆ្នាំ២០២០​ លោក​ កន​ សុខកាយ​ អភិបាល​ នៃគណៈអភិបាលស្រុកល្វាឯមអញ្ជើញជាអធិបតីភាពបានរៀបចំកិច្ចប្រជុំពង្រឹងរដ្ឋបាលស្រុកល្វាឯមការអនុវត្តរបៀបរបបការងារមន្រ្តីរាជការសាលាស្រុក​  ។ 

ដោយមានការចូលរួមពីសំណាក់លោក លោកស្រីអភិបាល រងស្រុក,​ នាយក​ នាយករងរដ្ឋបាលសាលាស្រុក,​ ប្រធាន​ អនុប្រធានការិយាល័យ-អង្គភាពជំនាញជុំវិញសាលាស្រុក​ ព្រមទាំងមន្ត្រីរាជការសាលាស្រុកល្វាឯម​ សរុបវត្តមានចូលរួមចំនួន៥៨នាក់,​ ស្រី២៤នាក់។ 

ក្នុងឱកាសកិច្ចប្រជុំនោះផងដែល លោក​ កន​ សុខកាយ​ អភិបាលស្រុក​ បានណែនាំដល់មន្រ្តីទាំងអស់គ្រប់បណ្តាការិយាល័យពាក់ព័ន្ធសូមយកចិត្តទុកដាក់ពង្រឹងសមត្ថភាពខ្លួន​ ដេីម្បីត្រៀនអនុវត្តតួនាទីភារកិច្ចថ្មីដែលថ្នាក់ជាតិបានប្រតិភូកម្មនូវមុខងារមួយចំនួនដល់រដ្ឋបាលស្រុក​ ក៍ដូចជាខិតខំបំរេីសេវាជូនប្រជាពលរដ្ឋប្រកបដោយភាព​ស្មោះត្រង់​ និងមានប្រសិទ្ធភាព។​ 

នៅក្នុងនោះផងដែលលោកអភិបាលស្រុកបន្តជួបប្រជុំជាមួយ ប្រធាន​ អនុប្រធាន​ និងមន្ត្រីការិយាល័យរៀបចំដែនដី​ នគរូបនីយ៍កម្ម​ សំណង់​ និងភូមិបាលស្រុក​ ដេីម្បីពង្រឹងលេីការអនុវត្ត​ និងបំពេញតួនាទីភារកិច្ចប្រចាំថ្ងៃ​ ដេីម្បីពន្លឿនសេវា​ ក៏ដូចជាការឆ្លេីយតបតាមសេចក្តីត្រូវការរបស់ប្រជាពលរដ្ឋចៀសវាងមានការថ្នាំងថ្នាក់នៃផ្តល់សេវាដីធ្លី។