បុរសម្នាក់ត្រូវបានកម្លាំងសមត្ថកិច្ចនៃអធិការខណ្ឌច្បារអំពៅឃាត់ខ្លួនតាមបណ្ដឹងជនរងគ្រោះពីបទប្រើដែកគាស់ទូឈើ លួចលុយនៅសាលាឆាន់,,,,,

ភ្នំពេញ៖សមត្ថកិច្ចឃាត់ខ្លួនបុរសម្នាក់ប្រើដែកគាស់ទូឈើ លួចលុយនៅសាលាឆាន់ក្នុងវត្តវិចិត្តរាម ភូមិយកបាត្រ១ សង្កាត់ក្បាលកោះ ខណ្ឌច្បារអំពៅ កាលពីថ្ងៃទី ២៦.១០. ២០២០ ម៉ោង២៣និង០០នាទី។

បើតាមអោយដឹងពីដើមបណ្តឹងឈ្មោះជួប វណ្ណៈ ភេទប្រុស អាយុ៤១ឆ្នាំ ជនជាតិខ្មែរ មុខរបរ គណកម្មការវត្ត ស្នាក់នៅភូមិយកបាត្រ១ សង្កាត់ក្បាលកោះ ខណ្ឌច្បារអំពៅ។

សមត្ថកិច្ចឃាត់ខ្លួនជនសង្ស័យឈ្មោះស៊ុំ ធារ៉ា ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិយកបាត្រ១ សង្កាត់ក្បាលកោះ ខណ្ឌច្បារអំពៅ។

ហេតុការណ៍មុនពេលកើតហេតុ ដើមបណ្តឹងទុកលុយខ្មែរ ១,២៣០,០០០រៀល និងលុយដុល្លារ ១០០ដុល្លារ ក្នុងទូឈើនៅចំណុចកើតហេតុខាងលើ ដោយបានចាក់សោត្រឹមត្រូវ ពេលនោះក៏មានជនសង្ស័យ ០២នាក់ ឈ្មោះស៊ុំ ធារ៉ា និងឈ្មោះ តុង ហៀង នាំគ្នាយកដែកថ្នាំងអំពៅគាស់ទូឈើ លួចលុយខាងលើទាំងអស់ រួចគេចខ្លួនចែកគ្នាចាយអស់។ 

លុះដល់ថ្ងៃទី ១៣.១១.២០២០ ម៉ោង២២និង០០នាទី ដើមបណ្តឹង ឃើញជនសង្ស័យឈ្មោះស៊ុំ ធារ៉ា នៅភូមិយកបាត្រ១ សង្កាត់ក្បាលកោះ ខណ្ឌច្បារអំពៅ ក៏ឃាត់ខ្លួន ប្រគល់ឲ្យសមត្ថកិច្ចចាត់ការតាមច្បាប់។