Ticker

10/ព័ត៌មានជាតិ/ticker-posts

កម្លាំងសមត្ថកិច្ចក្រុងសៀមរាបអនុវត្តតាមដីកាបង្គាប់ឲ្យចាប់ខ្លួនឈានទៅដល់ចាប់បានមុខសញ្ញាសេសសល់ពាក់ព័ន្ធករណីអំពើលួចកាច់សោរលួចយកម៉ូតូក្នុងក្រុងសៀមរាបបានម្នាក់បន្ថែមទៀតហើយ...

កម្លាំងសមត្ថកិច្ចក្រុងសៀមរាបអនុវត្តតាមដីកាបង្គាប់ឲ្យចាប់ខ្លួនឈានទៅដល់ចាប់បានមុខសញ្ញាសេសសល់ពាក់ព័ន្ធករណីអំពើលួចកាច់សោរលួចយកម៉ូតូក្នុងក្រុងសៀមរាបបានម្នាក់បន្ថែមទៀតហើយ...

........................................................................

ខេត្តសៀមរាប៖ដោយមានកិច្ចសហការណ៍​ល្អ​ រវាងកម្លាំងនគរបាលនៃអធិការដ្ឋាននគរបាលក្រុងសៀមរាប និង អធិការដ្ឋាននគរបាលស្រុកប្រាសាទបាគង​ ក្រោមការដឹកនាំ​ដោយលោកឧត្តមសេនីយ៍ត្រី ភឹង​ ចិន្តារ៉េតស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តសៀមរាប នាវេលាម៉ោង១៣:០០នាទី ថ្ងៃទី២៦ ខែវិច្ឆិកា ឆ្នាំ២០២០ បានសហការណ៍គ្នាធ្វើការស្រាវជ្រាវ និង អនុវត្តដីកាបង្គាប់ឲ្យចាប់ខ្លួនលេខ២៤១ ចុះថ្ងៃទី៣០ ខែមេសា ឆ្នាំ២០២០ នៃសាលាដំបូងខេត្តសៀមរាប ធ្វើការចាប់ខ្លួនជនល្មើសឈ្មោះ ភោគ បញ្ញា ភេទប្រុស អាយុ ២៣ឆ្នាំ មុខរបរមិនពិតប្រាកដ រស់នៅភូមិល្អក់ ឃុំកណ្តែក ស្រុកប្រាសទបាគង ខេត្តសៀមរាប ដែលជាមុខសញ្ញាសេសសល់ពាក់ព័ន្ធ នឹង ករណីអំពើលួចមានស្ថានទម្ងន់ទោស ( កាច់សោម៉ូតូ )ប្រព្រឹត្តនៅចំណុចបន្ទប់ជួលស្ថិតនៅភូមិតាវៀនសង្កាត់សាលាកំរើក ក្រុងសៀមរាប ខេត្តសៀមរាបកាលពីថ្ងៃទី២៧ ខែមករា ឆ្នាំ២០២០​កន្លងទៅ។ 

ក្រោយឃាត់ខ្លួន​ និងសាកសួរជនល្មើសខាងលើបានឆ្លើយសារភាពថា​ ខ្លួនពិតជាបានធ្វើសកម្មភាពលួច កាច់សោកម៉ូតូ ជាមួយបក្ខពួកខ្លួន​ចំនួន០២នាក់ដែលត្រូវសមត្ថកិច្ចនគរបាលក្រុងសៀមរាបឃាត់ខ្លួនបានពិតមែន កាលពីថ្ងៃទី២៧ ខែមករា ឆ្នាំ២០២០​កន្លងទៅនៅចំណុចបន្ទប់ជួលស្ថិតនៅភូមិតាវៀនសង្កាត់សាលាកំរើក ក្រុងសៀមរាបពិតមែន​។ 

សូមជម្រាបជូនថា​ ក្នុងករណីមួយនេះ​ កម្លាំងជំនាញយើង​ បានធ្វើការឃាត់ខ្លួនជនល្មើសសរុបចំនួន៣នាក់ជាបន្តបន្ទាប់ក្នុងនោះរួមមាន៖

១.ឈ្មោះ​សម​ សិទ្ធ​ភេទប្រុស​ អាយុ២៩ឆ្នាំ ឃាត់ខ្លួនបានកាលពីថ្ងៃទី២៩ ខែមករា​ឆ្នាំ២០២០​ ក្រោយធ្វើសកម្មភាពបានមួយថ្ងៃ។ 

២.ឈ្មោះ​ ខឹម តាំងសែ ហៅ(ខ្សែ)​ភេទប្រុស​ អាយុ២៤ឆ្នាំ មុខរបរជាងដែក​ ឃាត់ខ្លួនកាលពីថ្ងៃទី២៨ខែឧសភាឆ្នាំ២០២០មានទីលំនៅ នៅភូមិ​ល្អក់​ ឃុំកណ្តែក ស្រុកប្រាសាទ​បាគង ខេត្ត​សៀមរាប​។ 

ចំណែកជនល្មើសទី៣ គឺឈ្មោះ ភោគ បញ្ញា​ ដែលយើងទើបឃាត់ខ្លួនបានជាមួយគ្នានេះយើងក៏បានធ្វើតេស្តរកសារធាតុញៀនលើខ្លួន ជនល្មើសរូបនេះ ជាលទ្ធផល វិជ្ជមាន ។  

បច្ចុប្បន្នជនល្មើស​រូបនេះ ត្រូវបានកម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប កសាងសំណុំរឿងបន្ថែម​ បញ្ជូនទៅតុលាការដើម្បីចាត់ការតាមផ្លូវច្បាប់​៕






Post a Comment

0 Comments