សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

ឧត្ដមសេនីយ៍ទោ​ ឈឿន​ សុចិត្ត​ ស្នងការខេត្តកណ្តាលបាននាំយកអាវភ្លៀងជាអំណោយដ៏ថ្លៃថ្លារបស់ ឯកឧត្ដម នាយឧត្ដមសេនីយ៍​ សន្តិបណ្ឌិត នេត​ សាវឿន​ អគ្គស្នងការនគរបាលជាតិ នឹងដាក់បទបញ្ជាឱ្យមន្ត្រីនគរបាលស្រុកកៀនស្វាយ​ បម្រេីសេវាសន្តិសុខដល់ប្រជាពលរដ្ឋ,,,,

ដោយ :សារព័ត៌មានរស្មីក្រុងតាខ្មៅ-ញូស៍

ខេត្តកណ្ដាល​ ៖​ លោកឧត្ដមសេនីយ៍ទោ​ ឈឿន​ សុចិត្ត​ ស្នងការនគរបាលខេត្តកណ្ដាលបាននាំយកអាវភ្លៀងជាអំណោយដ៏ថ្លៃថ្លារបស់ ឯកឧត្ដម នាយឧត្ដមសេនីយ៍​ សន្តិបណ្ឌិត នេត​ សាវឿន​ អគ្គស្នងការនគរបាលជាតិ និងនាំម៉ូតូ​ ព្រមទាំងថវិការដ្ឋបាលស្រុក​ ក៏ដូចជាថវិកាសប្បុរសជន​ ជូនកងកម្លាំងនៅអធិការដ្ឋាននគរបាលស្រុកកៀនស្វាយ នារសៀលថ្ងៃទី២៤ ខែកញ្ញា​ ឆ្នាំ២០២០នេះ​​ បានថ្លែងទៅកាន់ កងកម្លាំង នគរបាលចំណុះអធិការដ្ឋាន​ និងតាមបណ្ដាប៉ុស្តិ៍ទាំង​៨​ ស្មេីនឹងកម្លាំងសរុប​១២៩នាក់ ថា​ ក្នុងនាមកងកម្លាំងត្រូវបម្រេីសេវាសាធារណៈ​ និងរក្សាសន្តិសុខសណ្ដាប់ធ្នាប់សាធារណៈជូនប្រជាពលរដ្ឋ​ ដោយពុំគិតពីពេលវេលា។
ជាពិសេស​ ត្រូវអនុវត្តគោលនយោបាយភូមិឃុំមានសុវត្ថិភាពឱ្យបានសម្រេចប្រកបដោយប្រសិទ្ធភាពខ្ពស់។


ក្នុងគ្រាជួបសំណេះសំណាលនេះដែរ​ លោកស្នងការបានសំដែងនូវសេចក្ដីរីករាយដែលបានជួបសួរសុខទុក្ខ​ និងថ្លែងអំណរគុណដោយស្មោះចំពោះស្មារតីទទួលខុសក្នុងតួនាទីភារកិច្ចរក្សាសន្តិសុខសណ្ដាប់ធ្នាប់ជូនប្រជាពលរដ្ឋកន្លងទៅ។

ជាពិសេស​ ដែលកងកម្លាំងទាំងអស់បានលះបង់ទាំងកម្លាំងកាយចិត្តពេលវេលាពីគ្រួសារ​ បង្កលក្ខណៈងាយស្រួលដល់ប្រជាពលរដ្ឋបានដេីរកម្សាន្តនាឱកាសឈប់សម្រាកសងចូលឆ្នាំ​ និងចូលរួមធ្វេីបុណ្យធ្វេីទានក្នុងពិធីកាន់បិណ្ឌនិងភ្ជុំបិណ្ឌប្រកបដោយសេចក្ដីជ្រះថ្លា​ ផ្សារភ្ជាប់នឹងសន្តិសុខយ៉ាងល្អប្រសេីរ។


ទន្ទឹមនឹងការនាំយកអំណោយនេះដែរ​ លោកឧត្ដមសេនីយ៍ទោស្នងការ​ ក៏បានផ្ដាំផ្ញេីអនុសាសន៍ពីសំណាក់ ឯកឧត្ដម​ នាយឧត្ដមសេនីយ៍​ សន្តិបណ្ឌិត​  នេត​ សាវឿន​  អគ្គស្នងការនគរបាលជាតិ​ ដោយជំរុញឱ្យកងកម្លាំងទាំងអស់ ត្រូវប្ដេជ្ញាការពារសន្តិភាព​ ស្ថេរភាពសង្គម​  និងការពាររាជរដ្ឋាភិបាលស្របច្បាប់។


ចំពោះបញ្ហាកូវីដ១៩ តាមរយៈលោកស្នងការ​ ឯកឧត្ដម នាយឧត្ដមសេនីយ៍​ អគ្គស្នងការ​ ផ្ដាំឱ្យកងកម្លាំងកុំភ្លេចការពារខ្លួនពីកូវីដ១៩​ ដោយអនុវត្តតាមវិធានណែនាំរបស់ក្រសួងសុខាភិបាល។ 


កងកម្លាំងនគរបាលចំណុះអធិការដ្ឋាននគរបាលស្រុកកៀនស្វាយ​ បានប្ដេជ្ញាគោរពអនុវត្តតាមអនុសាសន៍ផ្ដាំផ្ញេីរបស់ឯកឧត្តម នាយឧត្ដមសេនីយ៍ សន្តិបណ្ឌិត អគ្គស្នងការ​ និងបទបញ្ជារបស់លោកស្នងការក្នុងស្មារតីម៉ឺងម៉ាត់ជាកងកម្លាំង។

ក្រៅពីអាវភ្លៀងដែលជាអំណោយឯកឧត្ដម​ នាយឧត្ដមសេនីយ៍សន្ដិបណ្ឌិត អគ្គស្នងការ​នគរបាលជាតិ​ លោកស្នងការ​ ក៏បានប្រកាសផ្ដល់ម៉ូតូប្រដេញក្នុងមួយអធិការដ្ឋានចំនួន៥គ្រឿង​ ថវិការមួយចំនួនពីលោកអភិបាលស្រុក​ និងសប្បុរសជនមួយចំនួនទៀត។


























 


No comments