Ticker

10/ព័ត៌មានជាតិ/ticker-posts

បុរសបែកថ្នាំម្នាក់រត់ចូលក្នុងបន្ទប់ ស្រែកនឹងគំរាមដាក់យុវជនប្រុសស្រី២នាក់ ភ័យស្ទើរលស់ព្រលឹង,,



ភ្នំពេញ៖បុរសបែកថ្នាំម្នាក់រត់ចូលក្នុងបន្ទប់ គំរាមកុំឲ្យស្រែកដាក់យុវជនប្រុសស្រី២នាក់ ភ័យស្ទើរលស់ព្រលឹងនៅវេលាម៉ោង២រំលងអធ្រាត្រឈានចូលថ្ងៃចន្ទ ទី១០ ខែសីហា ឆ្នាំ២០២០ ត្រង់ចំណុចផ្ទះសំណាក់សេវេន អេម ឌី នៅផ្លូវ១១១ កែងនឹងផ្លូវ១៨២ ក្នុងសង្កាត់បឹងព្រលិត ខណ្ឌ៧មករា។

ជនសង្ស័យមានឈ្មោះ អ៊ុ សុភ័ក្ខ ភេទប្រុស អាយុ៤១ឆ្នាំ មុខរបរនិងស្នាក់នៅមិនពិតប្រាកដ។ ដំបូងឡើយមានយុវជនប្រុសស្រី២នាក់បានមកជួលស្នាក់នៅមួយយប់នៅផ្ទះសំណាក់ខាងលើ បន្ទប់លេខ៣០៥ ជាន់ទី៣ ។
ខណៈដល់ម៉ោងកើតហេតុខាងលើ ក៏ស្រាប់តែមានបុរសម្នាក់ទំនងបែកថ្នាំបានរត់ចូលក្នុងផ្ទះសំណាក់ ហើយក៏ឡើងទៅលើជាន់ទី៣ ទៅគោះបន្ទប់លេខ៣០៥ ជនរងគ្រោះប្រុសស្រី២នាក់នោះឲ្យបើកទ្វារ។

បើតាមសម្តីជនរងគ្រោះបានប្រាប់ថា រូបគាត់ស្មានតែអ្នកស្គាល់គ្នាក៏បើកទ្វារឲ្យចូល ស្រាប់តែជនសង្ស័យបិទទ្វារខ្ទាស់គន្លឹះ ហើយគំរាមមិនឲ្យស្រែក បើស្រែកបោកឲ្យងាប់ ខណៈពេលនោះជនរងគ្រោះទាំង២នាក់ក៏ឃើញជនសង្ស័យក្តាប់ដៃ ធ្វើឲ្យរូបគាត់ភ័យមិនហ៊ានស្រែក។

ស្ត្រីដែលគ្រប់គ្រងផ្ទះសំណាក់ មើលការខុសត្រូវបានរាយការណ៍ប្រាប់ទៅសមត្ថកិច្ច ឲ្យចុះមកអន្តរាគមន៍ដល់កន្លែងកើតហេតុ ដល់បន្ទប់លេខ៣០៥ ជាន់ទី៣ ហើយក៏បានប្រើពាក្យសម្ដីអង្វរលួងលោងទៅលើជនសង្ស័យ និងមានពាក្យគំរាមកំហែងខ្លះ ដើម្បីឲ្យជនសង្ស័យបើកទ្វារ មួយសន្ទុះធំ ទើបបានជនសង្ស័យព្រមបើកទ្វារចេញមកខាងក្រៅ ត្រូវបានសមត្ថកិច្ចវាយខ្នោះយកទៅសួរនាំ និងឱ្យជនរងគ្រោះទៅបំភ្លឺនៅប៉ុស្តិ៍នគរបាលរដ្ឋបាលបឹងព្រលិត ដើម្បីសួរនាំដំណើររឿង។

សំណាងល្អជនរងគ្រោះទាំង២នាក់ មិនមានរងរបួសនោះទេ ជនសង្ស័យត្រូវបានសមត្ថកិច្ចសួរនាំ រួចនឹងបញ្ជូនបន្តទៅតាមនីតិវិធី៕



Post a Comment

0 Comments