Ticker

10/ព័ត៌មានជាតិ/ticker-posts

បែកធ្លាយព័ត៌មានថា៖ប្រធាន​មន្ទីរ​កសិកម្ម​ ​ខេត្តតាកែវ មិន​ប្រឹង​ទប់ស្កាត់​ដី​ទួល​លិច​ទឹក​៤៥​ហិ​កតា​ការពារ​ដោយ​ព្រះរាជក្រឹត្យ និង​មិន​មានការបំភ្លឺ​សោះ បែរជា​ប្រឹង​ប្ដឹង​អ្នកកាសែត​ទៅ​វិញ!!!

 


ខេត្តតាកែវ ៖ចេញផ្សាយថ្ងៃទី៣១.១០.២០២២ អង្គភាព {រស្មីក្រុងតាខ្មៅ }យើងទទួលបានព័ត៌មានថាមានអ្នកកាសែត១ម្នាក់នៅក្នុងអង្គភាពពេញចិត្តមេឌាត្រូវបានលោកប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទម្នាក់នៅក្នុងខេត្តតាកែវ ប្តឹងមិនដឹងពាក់ពន្ធ័បទល្មើសអ្វីអោយពិតប្រាកដទេ!!!

ក្រោយពីទទួលព័ត៌មានភ្លាមអង្គភាព{រស្មីក្រុងតាខ្មៅ}បានទំនាក់ទំនងសុំការបំភ្លឺពីលោក សុិន ខ្វាន់ ឆា ដែលមានតួនាទី និពន្ធនាយក អង្គភាពពេញចិត្តមេឌា បានថ្លែង ប្រាប់{ រស្មីក្រុងតាខ្មៅ } អោយដឹងថាថ្មីៗនេះ លោក បានចុះផ្សាយព័ត៌មានពាក់ពន្ធ័និងលោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង នេសាទមានចំណង់ជើងថាលោក ញឹប ស្រ៊ន អសមត្ថភាព ការពារដីទួលលិចទឹកទ្រព្យសម្បត្តិរបស់រដ្ឋ ចុះផ្សាយកាលថ្ងៃទី ២៣ ខែ តុលាឆ្នាំ ២០២២។ 

លោកនិពន្ធនាយកបន្តថា៖កាលពី​ពេល​ថ្មី​ៗ​នេះ មាន​សា​ព័ត៌មាន​ជា​ច្រើន​បាន​ផ្សាយ​រឿង​ដី​ទួល​លិច​ទឹក​៤៥​ហិ​កតា​ការពារ​ដោយ​ព្រះរាជក្រឹត្យ ត្រូវ​បាន​ក្រុម​ឈ្មួញ​ឈូស​ឆាយ​យក​ធ្វើ​ជា​កម្មសិទ្ធិ​អស់​ទៅ​ហើយ ដោយ​គ្មាន​វិធានការ​ទប់ស្កាត់​ពី​លោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទ​ដុះ​ស្លែ​ម្នាក់ ហើយ​លោក​ប្រធាន​មន្ទីរ​រូប​នេះ មិន​មានការ​បំភ្លឺ​ជា​សាធារណៈ​នោះ​ទេ បែរជា​ប្ដឹង​អ្នកកាសែត​ទៅ​ស្នងការដ្ឋាន​នគរបាល​ខេត្តតាកែវ​ទៅ​វិញ​។ គាត់​អាង​ធ្វើ​មន្ត្រី​មាន​អំណាច បានជា​អាង​ប្តឹង​៕

លោកបញ្ជាក់ប្រាប់ថាមានមន្ត្រីជាន់ខ្ពស់ម្នាក់នៃស្នងការខេត្តតាកែវ មានឈ្មោះថា មាស តេន ស្នងការ​រង​ទទួល​ផែន​សន្តិសុខ នៃ​ស្នងការ​នគរបាល​ខេត្តតាកែវ ដើម្បីឲ្យរូបលោកចូលទៅបំភ្លឺក្នុងរឿងហ្នឹង។

អង្គភាពយើងបានទំនាក់ទំនងទៅលោក មាស តេង ស្នងការរងរូបនេះដើម្បីសុំការបំភ្លឺការពាក់ព័ន្ធឱ្យអ្នកសារព័ត៌មានចូលការបំភ្លឺលោកបានប្រាប់ថាការអញ្ជើញលោកនិពន្ធនាយករូបនេះដោយមានពាក្យបណ្ដឹងពីរមន្ទីរ​កសិកម្ម រុក្ខា​ប្រ​ម៉ា​ញ់ និង នេសាទមានសាកសួរពាក់ព័ន្ធនឹងការចុះផ្សាយហើយលោកបានបញ្ជាក់ច្បាស់ការថាការមកបំភ្លឺនេះគ្មានការឃាត់ខ្លួនអ្នកសារព័ត៌មានណាឡើយ។ព្រោះមន្ទីរបានប្ដឹងត្រឹមតែស្នងការទេដើម្បីសួរនាំបំភ្លឺហើយនិងមានការនិងបកស្រាយផ្សាយបំភ្លឺជូនមន្ទីរវិញ៕

ហើយលោកបានបន្តអោយ​ដឹង​ថា ពិតជា​មាន​បណ្ដឹង​ប្ដឹង​អ្នកកាសែត​មែន ជុំវិញ​ការ​ផ្សាយ​រឿង​ដី​ទួល​ចំនួន​៤៥​ហិ​កតា នៅ​ស្រុក​អង្គរបុរី ហើយ​លោក​កំពុង​កោះហៅ​អ្នកកាសែត​រូប​នោះ​អោយ​ចូល​បំភ្លឺ​ហើយ​។

លោកនិពន្ធនាយករូបនេះបានបន្តប្រាប់ថាហេតុអ្វីមិនមានការស្នើសុំសេចក្តីបញ្ជាក់ឬសុំការបំភ្លឺមកពីអង្គភាពរបស់លោក បែរជា ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទរូបនេះ ហ៊ានប្តឹងលោកទៅស្នងការដ្ឋានខេត្តតាកែងទៅទៅវិញ។ដើម្បីឲ្យចូលខ្លួនដោះស្រាយ ឯណាទៅច្បាប់ស្ដីពីរបបអ្នកសារព័ត៌មាន។

ជុំវិញមានការភាន់ច្រឡំពាក់ព័ន្ធនឹងការប្តឹងអ្នកសារព័ត៌មាន អង្គភាព {រស្មីក្រុងតាខ្មៅ }យើងបានខលទំនាក់ទំនងលោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទ​សាមរយៈទូរសព្ទដៃចូលហើយដោយលោកមិនអាចបំភ្លឺបានទេលោកឆ្លើយថាលោកកំពុងជាប់ប្រជុំនៅក្រសួងក៏បិតទូរសព្ទទៅ!!!

គួរ​បញ្ជាក់​ថា ដី​ទួល​លិច​ទឹក​ចំនួន​៤៥​ហិ​កតា ការពារ​ដោយ​អនុក្រឹត្យ​អាច​នឹង​រលាយ​ត្រឹម​លោក ញឹ​ប ស្រ៊​ន ប្រធាន​មន្ទីរ​កសិកម្ម​ខេត្តតាកែវ ដ៏​យូរអង្វែង​ចាស់វស្សា​ម្នាក់​នេះ​។

មហាជន​បាន​លើក​ឡើង​ថា លោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទ​ខេត្តតាកែវ អសមត្ថភាព​ក្នុង​ការ​បំពេញ​តួនាទី ភារៈកិច្ច រឿង​ការពារ​ទ្រព្យសម្បត្តិ​របស់​រដ្ឋ រួម​មាន​ដី​ទួល​លិច​ទឹក​ចំនួន​៣​កន្លែង ស្មើនឹង​៤៥​ហិ​កតា នៅ​ស្រុក​អង្គរបុរី បច្ចុប្បន្ន​ដី​ទាំង​អស់នោះ ត្រូវ​បាន​ក្រុម​ឈ្មួញ​គ្រប់គ្រង​ធ្វើ​ជា​កម្មសិទ្ធិ​អស់​ទៅ​ហើយ​។

យោង​តាម​សម្ដី​ពលរដ្ឋ​រស់នៅ​ស្រុក​អង្គរបុរី បានអោយ​ដឹង​ថា ដី​ទួល​ឡាំង​កាក មាន​ទំហំ​៣០​ហិ​កតា​, ដី​ទួល​កាំ​ភ្លើ​.​ង​ធំ មាន​ទំហំ​៧​ហិ​កតា និង​ដី​ទួល​ក្របី​កូន មាន​ទំហំ​៨​ហិ​កតា ការពារ​ដោយ​ព្រះរាជក្រឹត្យ ត្រូវ​បាន​ក្រុម​ឈ្មួញ​ឈួ​ស​ឆាយ​អោយ​រាបស្មើ ដើម្បី​ធ្វើ​ជា​កម្មសិទ្ធិ​ខ្ទេច​អស់​ទៅ​ហើយ ដោយ​មិន​បាន​រំខាន​ដល់​អាជ្ញាធរ​ពាក់ព័ន្ធ​នោះ​ទេ ជា​ពិសេស​លោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទ ដឹង​ហើយ តែ​លោក​គ្មាន​ចំណាត់ការ​នោះ​ឡើយ​។

ប្រភព​ពី​ប្រជាពលរដ្ឋ​បានអោយ​ដឹង​ទៀត​ថា រឿង​ដី​នៅ​តំបន់​ខាងលើ​នេះ ពលរដ្ឋ​តូចតាច​ទៅ​ឈួ​ស​ឆាយ​ធ្វើស្រែ​មិន​បាន​នោះ​ទេ គឺ​មាន​ក្រុម​កូនចៅ​របស់​លោក ញឹ​ប ស្រ៊​ន ចុះ​ទៅ​ចាប់ ឬ​ដក​យក​សម្ភារៈ​ភ្លាម​ៗ តែបើ​ក្រុម​អ្នកមាន​លុយ​គេ​ឈួ​ស​ឆាយ គេ​សង្កេត​មើល​មិន​មាន​ក្រុម​លោក ញឹ​ប ស្រ៊​ន ចុះ​ទៅ​ហាមឃាត់​ទេ​។

ប្រភព​ពី​ប្រជាពលរដ្ឋ​បានអោយ​ដឹង​ទៀត​ថា ហាងឆេង​ដី​នៅ​តំបន់​ខាងលើ កំពុង​មាន​តម្លៃ​ដោយ​ក្នុង​១​ហិ​កតា​ចាប់ពី​៥០០០០​ដុល្លារ​ឡើង​ទៅ ហើយ​បើ​ដី​រដ្ឋ​ចំនួន​៤៥​ហិ​កតា​ពិតជា​គ្រប់ទឹក​ហើយ ចឹ​ង​តើ​ទើប​លោក ញឹ​ប ស្រ៊​ន មិន​ព្រម​ចាត់វិធានការ​សោះ​ចំពោះ​ករណី​នេះ​។

ជុំវិញ​ករណី​ខាងលើ​នេះ អ្នក​យក​ព័ត៌មាន​យើង​មិន​អាច​សុំ​ការ​បំភ្លឺ​បន្តពី​លោក ញឹ​ប ស្រ៊​ន ប្រធាន​មន្ទីរ​កសិកម្ម រុក្ខា​ប្រ​ម៉ា​ញ់ និង​នេសាទ​ខេត្តតាកែវ បាន​ទេ ដោយសារ​ទូរស័ព្ទ​តេ​មិន​ចូល​។

មហាជន​រង់ចាំ​មើល​ចំណាត់ការ​បន្ត​ទៀត ដែល​គេ​ជឿជាក់​ថា លោក​អភិបាលខេត្ត​នឹង​ប្រើ​កណ្ដាប់ដៃ​ដែក​លើ​រឿង​នេះ មិន​ខាន​ឡើយ ។

ពលរដ្ឋ​និងមហាជនជាច្រើនលើក​ឡើង​ថា រដ្ឋមន្ត្រី​ក្រសួងកសិកម្ម ត្រូវ​បាន​បញ្ចប់​តួនាទី​ជា​បណ្ដើរ​ៗ​ហើយ​ដូច្នេះ​ពួក​គាត់​ស្នើ​លោក ឌិត ទីណា ទើបឡើងកាន់ដំណែងជារដ្ឋមន្ត្រី នៃ​ក្រសួងកសិកម្ម​ រុក្ខប្រមាញ់ និង នេសាទ មេត្តា​ស្រាវជ្រាវ​យក​ដី​៤៥​ហិ​កតា ការពារ​ដោយ​ព្រះរាជក្រឹត្យ មក​ទុកជា​សម្បត្តិ​រដ្ឋ​វិញ ចំណែក​អ្នក​ពាក់ព័ន្ធ​ត្រូវ​តែ​ចាត់វិធានការ​តាម​ផ្លូវច្បាប់ ជា​ពិសេស​មន្ត្រី​ពាក់ព័ន្ធ​។ចៀសវាងមានបុគ្គលខិលខូចមួយចំនួនឃុបឃិតជាប្រព័ន្ធដើម្បីកិបគេងប្រវ័ញ្ចដីរបស់រដ្ឋធ្វើជាកម្មសិទ្ធិឬលក់ឲ្យអ្នកដទៃ។

អង្គភាពយើងរងចាំការបំភ្លឺពីសាមីខ្លួនពាក់ពន្ធ័រាល់ម៉ោងធ្វើការ៕សូមអគុណ

ការិយាល័យនិពន្ធ៖0967117744/017279124




Post a Comment

0 Comments