Ticker

10/ព័ត៌មានជាតិ/ticker-posts

ឯកឧត្តម​ ស​ ថេត​ ប្រធានក្រុមការងាររាជរដ្ឋាភិបាល​ ចុះជួយសង្កាត់បឹងទំពុន១បាននាំយកអំណោយចុះចែកជូន ចាស់ជរាគ្មានទីពឹង​ ជនពិការ​ និងប្រជាពលរដ្ឋទីទាល់ក្រ​!!!

ភ្នំពេញ៖ដោយមានការយកចិត្តទុកដាក់​ និងណែនាំជាប្រចាំ​ ដល់ក្រុមការងារទាំងអស់​ ឱ្យចុះដល់ខ្នងផ្ទះប្រជាពលរដ្ឋ​ ដេីម្បីស្វែងយល់អំពីផលលំបាក​ បញ្ហាប្រឈម​ សំណូមពរ​ និងស្ថានភាពរស់នៅជាក់ស្តែងរបស់ប្រជាពលរដ្ឋ​ នៅក្នុងភូមិទាំង១១​ នៃសង្កាត់បឹងទំពុន១​ ខណ្ឌមានជ័យ​ ។ 

ជាក់ស្តែងបន្ទាប់ពីទទួលបានព័ត៌មានពីក្រុមការងារភ្លាម​ នៅព្រឹកថ្ងៃទី២០​ ខែកក្កដា​ ឆ្នាំ២០២២​ ឯកឧត្តម​ ស​ ថេត​ ប្រធានក្រុមការងាររាជរដ្ឋាភិបាល​ ចុះជួយសង្កាត់បឹងទំពុន១​ បានចុះជួយសំណេះសំណាល​ សួរសុខទុក្ខ​ ដល់ខ្នងផ្ទះប្រជាពលរដ្ឋ​ នឹងបាននាំយកអំណោយជាសម្ភារ​ និងថវិកា​ ជូនដល់ចាស់ជរាគ្មានទីពឹង​ ជនពិការ​ និងជនទីទាល់ក្រ​ ចំនួន​ ១៣គ្រួសារ​ ( នៅភូមិ​ សន្សំកុសល៣​ ចំនួន១១គ្រួសារ​ សន្សំ១​ ចំនួន​ ១គ្រួសារ​ និងភូមិចំរេីនផលចំនួន​ ១គ្រួសារ​ ) ដោយក្នុងម្នាក់ៗទទួលបានថវិកាចំនួន​ ១០មុឺនរៀល​ រួមជាមួយអង្ករ​ ទឹកបរិសុទ្ធ​ ទឹកក្រូច​ ទឹកត្រី​ ទឹកសុីអុីវ​ និងត្រីខ​ ។ 

បងប្អូនប្រជាពលរដ្ឋ បង្ហាញនូវអារម្មណ៍សប្បាយរីករាយ ដោយបានឯកឧត្តម ស ថេត ចំណាយពេលវេលាចុះផ្ទាល់ដល់ខ្នងផ្ទះរបស់ពួកគាត់ ៕




Post a Comment

0 Comments