Ticker

10/ព័ត៌មានជាតិ/ticker-posts

ក្រុមអ្នកលេងភ្នាល់ភ្លៀង១៦នាក់ត្រូវបានសមត្ថកិច្ចនគរបាលជំនាញនៃអធិការក្រុងបាត់ដំបងឃាត់ខ្លួន!!!

ក្រុមអ្នកលេងភ្នាល់ភ្លៀង១៦នាក់ត្រូវបានសមត្ថកិច្ចនគរបាលជំនាញនៃអធិការក្រុងបាត់ដំបងឃាត់ខ្លួន!!!

ខេត្តបាត់ដំបង៖អនុវត្ត​តាម​បទបញ្ជា​របស់លោក ឧត្ដម​សេនីយ៍​ទោ​ សាត​ គឹមសាន​ ស្នងការ​ នៃស្នងការដ្ឋាននគរបាលខេត្តបាត់ដំបង​ រួមនឹងយោបល់​លោក​ វរ​សេ​នី​យ៍ឯក​ លឹម​ ពុទ្ធីឡា​ ស្នងការរង ផែនការងារ​ន​គរបាល​ព្រហ្មទណ្ឌ​ និង​ដោយបានការ​សម្របសម្រួល​លេី​នីតិវិធី​ពី​ឯកឧត្ដម​ កែវ​ សុជាតិ​ ព្រះ​រាជអាជ្ញា​ នៃ​អយ្យការ​អមសាលា​ដំបូង​ខេត្ត​បាត់ដំបងផងនោះ​កាលពីថ្ងៃទី​ ១៦​ ខែ​ មី​នា​ឆ្នាំ​២០២២​លោក​វរសេនីយ៍ឯក​ ឈឿង​ គឹមសុង​ នាយការិ​យាល័យ​ នគរបាល​ព្រហ្មទណ្ឌ​កម្រិត​ស្រាល​ បាន​ដឹកនាំ​កម្លាំង​ការិយាល័យ​ជំនាញ​ រួម​ជាមួយកម្លាំង​ក្រុមអន្តរាគមន៍​ បង្ការ​ បង្ក្រាប​ចុះ​ប្រតិបត្តិការ​ បង្ក្រាប​ករណី​ ល្បែងស៊ីសង​ (​ ភ្នាល់​ទឹក​ភ្លៀង​)​ចំនួន​ ០២​ ទីតាំង​ផ្សេងគ្នា​ នៅ​ក្នុង​ក្រុងបាត់​ដំបង​ដែលក្នុងនោះគឺ៖

-ទីតាំង​ទី១​ ស្ថិតនៅ​ក្នុង​ភូមិ​ព្រៃកូនសេក​ សង្កាត់​អូរចារ​ ក្រុង​បាត់ដំបង​ ខេត្តបាត់ដំបង​ នាំខ្លួន​មនុស្ស​ចំនួន​ ០៧​ នាក់​ ។ 

-ទីតាំង​ទី២​ ស្ថិតនៅ​ក្នុង​ភូមិ​រំចេក៤​ សង្កាត់​រតនៈ​ ក្រុងបាត់ដំបង​ ខេត្ត​បាត់ដំបង​ នាំខ្លួន​មនុស្ស​ចំនួន​ ០៩​ នាក់​ ដោយនាំមក​កាន់​ស្នងការដ្ឋាន​ នគរ​បាលខេត្តបាត់ដំបង​ ធ្វេីការសាកសួរស្រាវជ្រាវ។ 

-វត្ថុតាងដកហូត​រួម​មាន​ ៖​ 

-​ វិទ្យុ​ទាក់ទង​ចំនួន​ ០៦​ គ្រឿង​ 

-​ ទូរសព្ទ័​ដៃ​ ចំនួន​ ២៥​ គ្រឿង​

-​ រថយន្ត​ចំនួន​ ០៤​ គ្រឿង​ 

-​ ម៉ូតូ​ចំនួន​ ០៨​ គ្រឿង​ 

-​ ម៉ូតូ​កង់​បី​ឥណ្ឌា​ ចំនួន​ ០១​ គ្រឿង​ 

-​ កង់​ ចំនួន​ ០១​ គ្រឿង​ ។ 

សូ​មជម្រាបជូនថា​ នៅពេលលេចឮនូវករណីអ្នក​ញៀនល្បែងទឹកភ្លៀង​មានសកម្មភាពលេងនោះ​ លោកឧត្តមសេនីយ៍ទោ​ សាត​គឹមសាន​ ស្នងការ​នៃស្នងការដ្ឋាននគរ​បាលខេត្តបា​ត់​ដំបង​បានដាក់​ បទបញ្ជាដល់ផែនជំនាញរួមទាំងអធិការនគរបា​លក្រុង​បាត់ដំបងធ្វេីការស្រាវជ្រាវ​ ដែលក្នុង​នោះ​អ្នកលេងមិនបានប្រមូលផ្តុំគ្នានៅ​ ចំណុចពី​មុននោះទេ​ គឺគាត់បានបំប្លែង​រូបភាពទៅកាន់ទី​តាំងផ្សេងៗដែលស្ថិតនៅឆ្ងាយពីទី​ប្រជុំជន​ ហេីយបែងចែករូបភាពតូចៗ។ 

នៅទីបំផុតក្នងថ្ងៃទី១៦​ខែ​ មីនា​ឆ្នាំ​២០២២​ ជាថ្ងៃដែលផ្ទៃមេឃមានសភា​ព​អួរអាប់ខ្លាំងក្នុងក្រុងបា ត់ដំបង​ អ្នក​លេងទឹកភ្លៀងក៏ផ្តេីមបង្ហាញតម្រុយ​នៅ​មូលដ្ឋានខាងលេី​ហេីយសមត្ថកិច្ចតាមចាប់​បាន​លេីចំនួន០២គោលដៅខាងលេី។ 

ជាមួយនឹងការសាកសួររបស់សមត្ថកិច្ចបានឱ្យដឹងថា​ អ្នកលេងគេបាន​ប្តូរយុទ្ធវិធីហេីយពោលគឺគ្មានមេ​ គ្មានកូនអ្វីទេ​ ឱ្យតែណាត់គ្នាត្រូវគេផ្តេីម​ភ្នាល់តែម្តង​ ពិសេសនៅពេលដែល​ ស្ថានភាព​មេឃចង់​ភ្លៀង​ ។ ជាក់ស្តែងនៅក្នុងករណីខាងលេីនេះ​ អ្នកលេងគេបានណាត់គ្នា​ យកសំយាបបង្គន់អនាម័​យ​សាធារណៈមួយនៅចំណតរថយន្តផ្សារបឹងឈូកធ្វេីជាទីតាំងភ្នាល់​ នៅ​ពេលណាដំណក់ទឹក​ភ្លៀងស្រក់ចុះពីសំយាប​នោះដល់ដីគេយកជាបានការក្នុងការភ្នាល់។ 

អ្នកលេងល្បែងភ្នាល់ទឹកភ្លៀងទាំង១​៦នាក់និងវត្ថុតាងផង​ បច្ចុប្បន្ន​ការិយាល័យ​ជំនាញ​បានកសាងសំណុំរឿង​ដេីម្បី​បញ្ជូន​ទៅ​សាលាដំបូង​ខេត្ត​បាត់​ដំបង​ចាត់ការ​បន្ត​តាម​នីតិវិធី​ ច្បាប់ហេីយ ៕

ដោយភៅសុភ័ក្ត្រ០៣!!!






Post a Comment

0 Comments