ក្រុមក្មេងទំនើងទាំង០២នាក់ ត្រូវបានកម្លាំងកងរាជអាវុធហត្ថខេត្តព្រះសីហនុ ឃាត់ខ្លួន !!!
ក្រុមក្មេងទំនើងទាំង០២នាក់ ត្រូវបានកម្លាំងកងរាជអាវុធហត្ថខេត្តព្រះសីហនុ ឃាត់ខ្លួន !!!
ខេត្តព្រះសីហនុ ៖ ដោយគោរពតាមបទបញ្ជាដ៏មុឺងម៉ាត់របស់លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ កម្លាំងល្បាតចល័តរបស់មូលដ្ឋានកងរាជអាវុធហត្ថក្រុងព្រះសីហនុ នៅវេលាម៉ោង០០ និង២០នាទីយប់រំលងអធ្រាត្រ កាលពីថ្ងៃទី១៤ ខែកុម្ភៈ ឆ្នាំ២០២២ បានធ្វើការឃាត់ខ្លួនក្រុមក្មេងទំនើង ចំនួន ០២នាក់ នៅមុខរោងចក្រស្រាបៀរអង្គរឃ្លាំងលើ ស្ថិតភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។
១.ឈ្មោះ យូ រ៉ា (ឈ្មោះក្រៅ ហៅ ហេីម) ភេទប្រុស អាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅបច្ចុប្បន្ន (ក្រោយរោងចក្រស្រាបៀរអង្គរ) ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។
២. ឈ្មោះ សៀង ម៉េងហ៊ួរ ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅបច្ចុប្បន្ន (អូរអារ៉េវ) ស្ថិតក្នុងភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ។ វត្ថុតាងរួមមាន ៖ ដាវ ចំនួន០១, ដែកកាប់ ០២, ដែកកេះ ០១, ពិល ០១ ។
បច្ចុប្បន្ន ៖ ក្រុមក្មេងទំនើងទាំង០២នាក់ ត្រូវបានឃាត់បញ្ជូនមកមូលដ្ឋានកងរាជអាវុធហត្ថក្រុងព្រះសីហនុ ដើម្បីអប់រំ ណែនាំ ធ្វើកិច្ចសន្យា និងអនុញ្ញាតឱ្យអាណាព្យាបាល មកធានាយកត្រឡប់ទៅលំនៅដ្ឋានវិញអប់រំបន្ត ៕
No comments