សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

សូមចូលរួមអបអរសាទរ លោកវរសេនីយ៍ឯក ឆេង សំអឿន ត្រូវបានប្រមុខថ្នាក់ដឹកនាំតែង តាំងជាស្នងការរងខេត្តកណ្តាល

ដោយ :សារព័ត៌មានរស្មីក្រុងតាខ្មៅ-ញូស៍

 


ខេត្តកណ្តាល៖ សូមចូលរួមអបអរសាទរចំពោះលោកវរសេនីយ៍ឯក ឆេង សំអឿន នាយការិយាល័យចរាចរណ៍ផ្លូវគោកដែលត្រូវបានថ្នាក់ដឹកនាំផ្ដល់ទំនុកចិត្តខ្ពស់តែងតាំងជាស្នងការរងទទួលផែនសណ្ដាប់ធ្នាប់ នៃស្នងការដ្ឋាននគរបាលខេត្តកណ្ដាល។

គួរជម្រាបជូនផងដែរថា ដោយសារតែការខិតខំប្រឹងប្រែងបំពេញភារកិច្ចការងារដោយមិនខ្លាចនឿយហត់ លះបង់សេចក្តីសុខផ្ទាល់ខ្លួន ក្នុងការការពារ សន្តិសុខ សុវត្ថិភាព សន្តិភាព និងសណ្ដាប់ធ្នាប់សាធារណៈបានល្អជូនអង្គភាព ប្រជាពលរដ្ឋនៅមូលដ្ឋាន និងថ្នាក់ដឹកនាំ លោកវរសេនីយ៍ឯក ឆេង សំអឿន អត្តលេខ០៩៦៦៥ នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកណ្ដាលក៏ត្រូវបានសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃសម្រេចចេញសេចក្តីប្រកាសតែងតាំងជាស្នងការរងទទួលផែនសណ្ដាប់ធ្នាប់ នៃស្នងការដ្ឋាននគរបាលខេត្តកណ្ដាលតាមសំណើរបស់លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល។ នេះបើយោងតាមប្រកាសលេខ៣២០១ប្រ.ក ស្ដីពីការផ្ទេរភារកិច្ច តែងតាំងមុខតំណែង និងដំឡើងឋានន្តរស័ក្តិមន្ត្រីនគរបាលជាតិ ចុះថ្ងៃទី០៩ ខែធ្នូ ឆ្នាំ២០២១ ចុះហត្ថលេខាដោយសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដែលបណ្ដាញសារព័ត៌មានទើបទទួលបាននៅព្រឹកថ្ងៃទី១២ ខែធ្នូ ឆ្នាំ២០២១នេះ។

នៅក្នុងប្រការ១ ត្រូវបានផ្ទេរភារកិច្ច និងតែងតាំងមុខតំណែងមន្ត្រីនគរបាលជាតិ នៃស្នងការដ្ឋាននគរបាលខេត្តកណ្តាល ដូចមានឈ្មោះខាងក្រោម៖
១.លោកវរសេនីយ៍ឯក ឆេង សំអឿន អត្តលេខ០៩៦៦៥ នាយការិយាល័យចរាចរណ៍ផ្លូវគោក ត្រូវបានប្រកាសតែងតាំងជាស្នងការរងទទួលផែនសណ្ដាប់ធ្នាប់ នៃស្នងការដ្ឋាននគរបាលខេត្តកណ្ដាល។

២. លោកវរសេនីយ៍ឯក ឡាក់ ម៉េងធី អត្តលេខ៥៦៥២១ នាយការិយាល័យព្រហ្មទណ្ឌកម្រិតស្រាលត្រូវបានប្រកាសតែងតាំងជាស្នងការរងទទួលព្រហ្មទណ្ឌនៃស្នងការដ្ឋាននគរបាលខេត្តកណ្ដាល៕



No comments