សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

កាន់តែច្បាស់ការហើយ!!បន្ទាប់ពីបែកធ្លាយ រឿងមន្ត្រីនគរបាលខេត្តកណ្តាល ២រូប ដល់អាយុចូលនិវត្តន៍ តែមិនចូលនិវត្តន៍!!

ដោយ :សារព័ត៌មានរស្មីក្រុងតាខ្មៅ-ញូស៍

ខេត្តកណ្ដាល៖ បន្ទាប់ពីមានរឿងបែកធ្លាយតាមបណ្តាញ ហ្វេសប៊ុកចោទប្រកាន់មន្ត្រីនគរបាលខេត្តកណ្តាល ២រូប ដល់អាយុចូលនិវត្តន៍ ភ្លាមនោះ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល បានឆ្លើយតបជូនសាធារណជន និងបណ្តាញសារព័ត៌មាន មេត្តាជ្រាប «នៅព្រឹកថ្ងៃទី១៣ ខែវិច្ឆិកា ឆ្នាំ២០២១ គេហទំព័រសារព័ត៌មាន The Mirror News និងបណ្តាញសារព័ត៌មានមួយចំនួនទៀត បានចុះផ្សាយមានចំណងជើងថា «បែកធ្លាយ, លោកស្នងការរង២រូប ដល់អាយុចូលនិវត្តន៍ តែមិនចូលនិវត្តន៍ អភិបាលខេត្តកណ្តាលនឹងបញ្ជាឱ្យក្រុមការងារចុះត្រួតពិនិត្យ»។

ក្រោយពីទទួលបានព័ត៌មានខាងលើភ្លាម លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ចាត់ឱ្យក្រុមការងារប្រតិកម្មរហ័សធ្វើការស្រាវជ្រាវបំភ្លឺព័ត៌មានដូចខាងក្រោម៖

-ផ្អែកតាមរូបភាពដែលបណ្តាញសារព័ត៌មានចុះផ្សាយខាងលើ លោកស្នងការរងនគរបាលខេត្តកណ្តាល ចំនួន២រូបនោះរួមមាន៖

១-លោកឧត្តមសេនីយ៍ត្រី ចាន់ សាវឿន ស្នងការរង ទទួលផែនការងារភស្តុភារ និងហិរញ្ញវត្ថុ

២-លោកឧត្តមសេនីយ៍ត្រី ឱ ផាន់ណា ស្នងការរងទទួលផែនការងារអត្តសញ្ញាណកម្ម

បន្ទាប់ពីពិនិត្យលើខ្លឹមសារព័ត៌មានខាងលើ ស្នងការដ្ឋាននគរបាលខេត្តកណ្តាល សូមធ្វើការបដិសេធទាំងស្រុង នូវខ្លឹមសារដែលបានចុះផ្សាយថា លោកស្នងការរងទាំង២រូប គេចវេសពន្យាពេលចូលនិវត្តន៍នោះ គឺជាការមិនពិតឡើយ ដោយអនុវត្តតាមគោលការណ៍ច្បាប់ ជាពិសេសលក្ខន្តិកមន្រ្តីនគរបាលជាតិ នៅពេលដែលមានព្រះរាជក្រឹត្យដាក់ឱ្យសាម៉ីខ្លួនចូលនិវត្តន៍គឺត្រូវគោរពតាមដោយមិនរារែកឬគេចវេសជាដាច់ខាត។

ដោយឡែក ចំពោះការលើកឡើងថា លោកឧត្តមសេនីយ៍ត្រី ឱ ផាន់ណា ស្នងការរងទទួលការងារអត្តសញ្ញាណកម្ម មិនព្រមចូលនិវត្តន៍ដោយយកតួនាទី ទៅកាងលោកស្រី ទេព ចន្ធូ ហៅយាយធូ ជាភរិយា គឺជាការមិនពិតឡើយ គឺលោកស្រី ទេព ចន្ធូ ហៅយាធូ បានរកស៊ីជាលក្ខណៈឯកជន មិនមានពាក់ព័ន្ធជាមួយលោកស្នងការរងជាស្វាមីឡើយ។

អាស្រ័យហេតុនេះ សូមសាធារណជន និងបណ្តាញសារព័ត៌មានមេត្តាជ្រាប និងកុំមានការភាន់ច្រឡំ៕






No comments