កម្លាំងជំនាញនៃអធិការក្រុងប៉ោយប៉ែតឃាត់ខ្លួនជនសង្ស័យ២នាក់ ក្រោយធ្វើសកម្មភាពជិះម៉ូតូឆក់កាបូបលុយរបស់ប្រជាពលរដ្ឋ!!!!!

ខេត្តបន្ទាយមានជ័យ៖នាថ្ងៃទី៣០ ខែសីហាឆ្នាំ២០២១មុខសញ្ញាចោជិះម៉ូតូឆក់ទ្រព្យសម្បត្តិប្រជាពលរដ្ឋយ៉ាងសកម្ម០២នាក់ ត្រូវបានកម្លាំងនគរបាលក្រុងប៉ោយប៉ែត បញ្ជូនទៅតុលាការ។

លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានមានប្រសាសន៍ថា ក្រោយពីទទួលបានពាក្យបណ្ដឹងពីជនរងគ្រោះក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ និងមានការសម្របសម្រួលនីតិវិធីដោយឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត លោកបានដឹកនាំកម្លាំងចុះស្រាវជ្រាវអស់រយៈពេល 2 ថ្ងៃទើបចាប់ខ្លួនជនសង្ស័យទាំងពីរនាក់បានសម្រេច។

លោកអធិការបានឲ្យដឹងថាជនសង្ស័យដែលសមត្ថកិច្ចឃាត់ខ្លួនមានចំនួន២នាក់៖

១.ឈ្មោះ សួរ ភាក់ណា ហៅមេឃ ភេទប្រុស អាយុ២០ឆ្នាំ ស្នាក់នៅក្នុងសណ្ឋាគារ ហាក់ហួត ក្នុងភូមិ ក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

២.ឈ្មោះ លី មករា ហៅម៉ាប់ ភេទប្រុស អាយុ១៧ឆ្នាំ ស្នាក់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ 

ជនរងគ្រោះឈ្មោះ អូន ចន្ទ្រា ភេទស្រី អាយុ៣២ឆ្នាំ ស្នាក់នៅភូមិ មិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ នៅក្នុងកាបូបដែលចោលឆក់យកទៅបាត់មាន ប្រាក់បាតចំនួន៣០០០B(បីពាន់)បាត, ប្រាក់រៀល ចំនួន៥០០០០៛(ប្រាំម៉ឺន)រៀល, អត្តសញ្ញាណប័ណ្ណចំនួន១, កាតចាក់ថ្នាំកូវីត១៩ ចំនួន១សន្លឹក,ទូរស័ព្ទដៃម៉ាក អាយហ្វូន៨ ផ្លាស់ ពណ៍ស ចំនួន១គ្រឿង,និងសម្ភារៈផ្សេងទៀត។

នៅចំពោះមុខសមត្ថកិច្ចសួរនាំ ជនសង្ស័យទាំងពីរនាក់ បានសារភាពថាពួកគេពិតជាបានធ្វើសកម្មភាពជាម៉ូតូឆក់កាបូបពីប្រជាពលរដ្ឋនៅក្នុងក្រុងប៉ោយប៉ែតជាអ្នកញាប់ពិតប្រាកដមែន តែអ្នកដែលធ្វើសកម្មភាពគឺឈ្មោះនិច ១៧ឆ្នាំពេលនេះគេបានរត់គេចខ្លួនបាត់ហើយ។ 

បច្ចុប្បន្នជនសង្ស័យទាំង២នាក់ និងវត្ថុតាងសមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមច្បាប់៕

ដោយ៖លោក សៅ កុសល០៤!!!!!