លោកឧត្តមសេនីយ៍ទោ ឈឿន សុចិត្ត ស្នងការខេត្តកណ្ដាលបានដឹកនាំកម្លាំងដោយផ្ទាល់ចុះពន្លត់អគ្គីភ័យឆាបឆេះឃ្លាំងប្រេងម៉ាស៊ូត..
លោកឧត្តមសេនីយ៍ទោ ឈឿន សុចិត្ត ស្នងការខេត្តកណ្ដាលបានដឹកនាំកម្លាំងដោយផ្ទាល់ចុះពន្លត់អគ្គីភ័យឆាបឆេះឃ្លាំងប្រេងម៉ាស៊ូត..
...................................................................
ខេត្តកណ្តាល៖នាថ្ងៃអាទិត្យ ១០រោច ខែបឋមាសាឍ ឆ្នាំឆ្លូវ ទោស័ក ព.ស២៥៦៥ ត្រូវនិងថ្ងៃទី០៤ ខែកក្កដា ឆ្នាំ២០២១ វេលាម៉ោង១២ និង៣០នាទី មានករណីអគ្គីភ័យឆាបឆេះឃ្លាំងប្រេងម៉ាស៊ូតភ្លាមៗនោះលោកឧត្តមសេនីយ៍ទោ ឈឿន សុចិត្ត ស្នងការខេត្តកណ្ដាលបានបញ្ជាកម្លាំងដឹកនាំកម្លាំងដោយផ្ទាល់ ចុះពន្លត់អគ្គីភ័យឆាបឆេះឃ្លាំងប្រេងម៉ាស៊ូត។ខណៈពេលនេះមានករណីអគ្គិភ័យកំពុងតែឆាបឆេះទីតាំងស្តុកប្រេងម៉ាស៊ូត មួយកន្លែង ស្ថិតនៅភូមិព្រែករុន ឃុំព្រែកគយ ស្រុកស្អាង ខេត្តកណ្តាល។
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កំពុងចុះដឹកនាំបញ្ជាកងកម្លាំងដោយផ្ទាល់ពន្លត់អគ្គិភ័យនេះ។
ក្នុងកិច្ចប្រតិបត្តិការនេះ ដោយប្រើប្រាស់កម្លាំងអន្តរាគមន៍ជាច្រើននាក់ រថយន្តបង្ការពន្លត់អគ្គិភ័យ និងសង្រ្គោះ ជាច្រើនគ្រឿង ក្នុងនោះមាន រថយន្តស្នងការដ្ឋាននគរបាលខេត្តកណ្តាល អធិការដ្ឋាននគរបាលស្រុកស្អាង-កោះធំ រថយន្តក្រសួងមហាផ្ទៃ និងរថយន្តបញ្ជាការដ្ឋានអង្គរក្ស ដើម្បីទប់ស្កាត់កុំឱ្យឆេះរាលដាលដល់ផ្ទះប្រជាពលរដ្ឋនៅក្បែរនោះ៕
អគ្គីភ័យឆាបឆេះឃ្លាំងប្រេងម៉ាស៊ូត០១ទំហំ ១០×៧០ មែត្រ ជញ្ជាំងធ្វើពីថ្ម ប្រក់សង្ក័សី ប្រភេទឃ្លាំង០១ល្វែងរបស់ឈ្មោះ ងី មានផល ភេទ ប្រុស អាយុ ៦០ ឆ្នាំ ជនជាតិខ្មែរ មុខរបរ លក់សាំង មានទីលំនៅភូមិព្រែករុន ឃុំ ព្រែកគយ ស្រុកស្អាង ខេត្តកណ្តាល និងប្រពន្ធឈ្មោះ ហ៊ ឡៃផេង អាយុ ៥៨ ឆ្នាំ មុខរបរ លក់សាំង ដែលស្ថិតនៅចំណុចផ្លូវជាតិលេខ១២១០ ស្ថិតក្នុងភូមិព្រែករុន ឃុំព្រែកគយ ស្រុកស្អាង ខេត្តកណ្ដាល ករណីនេះមិនបណ្តាលអោយរងរបួសឬស្លាប់មនុស្សឡើយ ។
សម្ភារៈខូចខាតរួមមាន៖ឃ្លាំងចំនួន ០១ខ្នង ទំហំ ១០×៧០ មែត្រនិងសម្ភារៈក្នុងឃ្លាំងរថយន្តដឹកសាំងប្រភេទ០២តោនចំនួន ០២គ្រឿង ត្រូវឆេះអស់ស្ទើរតែទាំងស្រុង និងប្រេងម៉ាស៊ូតចំនួន០៣សាទែន ។
-ហើយក្នុងនោះដែរបានប្រើប្រាស់រថយន្តពន្លត់អគ្គីភ័យអស់ចំនួន ១២ គ្រឿង;
- រថយន្តរបស់ស្នងការដ្ឋាននគរបាលខេត្តកណ្តាលចំនួន ០២ គ្រឿង;
- រថយន្តអង្គរក្សចំនួន ០៤ គ្រឿង
- រថយន្តនាយកដ្ឋាននគរបាលបង្ការពន្លត់អគ្គិភ័យ និងសង្គ្រោះចំនួន ០៤ គ្រឿង
- រថយន្តអធិការដ្ឋានស្រុកស្អាងចំនួន ០១ គ្រឿង
- រថយន្តអធិការដ្ឋានស្រុកកោះធំចំនួន ០១ គ្រឿង
- ប្រើប្រាស់ទឹកអស់ចំនួន ២១ រថយន្ដ ។
- ហើយករណីអគ្គីភ័យឆាបឆេះនេះបានរលត់ចប់សព្វគ្រប់វេលាម៉ោង ១៤និង៣០ នាទី នាថ្ងៃខែឆ្នាំដដែល មូលហេតុ: បណ្តាលមកពីឆ្លងចរន្តអគ្គីសនី ។
#ដោយរស្មីក្រុងតាខ្មៅ!!!!!
No comments