លោក កន​ សុខកាយ​ អភិបាលស្រុក​ល្វាឯមអញ្ជើញទទួលព្រះគ្រូចៅអធិការវត្តព្រែកបង្កង និងព្រះគ្រូចៅអធិការវត្តពិជ័យរង្សី ស្រុកខ្សាច់កណ្តាល បាន​និមន្តមកសួរសុខទុក្ខ និងយកនូវនំអន្សម-ផ្លែឈេីផ្សេងៗមកជូន..

លោក កន​ សុខកាយ​ អភិបាលស្រុក​ល្វាឯមអញ្ជើញទទួលព្រះគ្រូចៅអធិការវត្តព្រែកបង្កង និងព្រះគ្រូចៅអធិការវត្តពិជ័យរង្សី ស្រុកខ្សាច់កណ្តាល បាន​និមន្តមកសួរសុខទុក្ខ និងយកនូវនំអន្សម-ផ្លែឈេីផ្សេងៗមកជូន..

...............................................................

ខេត្តកណ្តាល៖នៅរសៀលថ្ងៃទី០៩ ខែឧសភា ឆ្នាំ២០២១ ស្ដែងចេញពីកាយវិការដ៏ប្រពៃរបស់លោក​ កន​ សុខកាយ​ អភិបាលនៃគណៈអភិបាលស្រុក​ល្វាឯម​ និងការប្រឹងប្រែងលះបង់ទាំងកម្លាំងចិត្ត​ កម្លាំងកាយ​ ទាំងធនធានគ្រប់មធ្យោបាយក្នុងការទប់ស្កាត់​ និងប្រយុទ្ធប្រឆាំងការរីករាលដាលជម្ងឺកូវីដ១៩​ ​ដេីម្បីសេចក្តីសុខបងប្អូនប្រជាពលរដ្ឋក្នុងមូលដ្ឋានក្នុងវេលាដ៏លំបាកនេះ​ ​ ព្រះគ្រូចៅអធិការវត្តព្រែកបង្កង និងព្រះគ្រូចៅអធិការវត្តពិជ័យរង្សី ស្រុកខ្សាច់កណ្តាល បាន​និមន្តមកសួរសុខទុក្ខ និងយកនូវនំអន្សម-ផ្លែឈេីផ្សេងៗមកជូនលោកអភិបាលស្រុក​ ដោយមានការនិមន្តចូលរួមពីសំណាក់ព្រះអនុគណស្រុក និងព្រះពលកោសល ហួន សេងហាក់​។ 

ព្រះគ្រូចៅអធិការ​វត្តទាំង២អង្គ​ ក៏បានប្រទានពរជ័យដល់គណៈអភិបាលស្រុក​ ព្រមទាំងមន្រ្តីក្រោមឱវាទ​ សូមជួបប្រទះតែសេចក្តីសុខ​ និងសេចក្តីចម្រេីន​ ជៀសផុតពីជម្ងឺរាតត្បាតដ៏កាចសាហាវទាំងឡាយ​ និងសូមបន្តខិតខំបំពេញភារកិច្ចទប់ស្កាតការឆ្លងជម្ងឺកូវីដ១៩​ ដេីម្បីជួយដល់ប្រជាពលរដ្ឋទាំងអស់បានជៀសផុតគ្រប់ៗគ្នា។