ជនសង្ស័យម្នាក់ត្រូវបានកម្លាំងសមត្ថកិច្ចនៃអធិការក្រុងបាត់ដំបងឃាត់ខ្លួន.....
ជនសង្ស័យម្នាក់ត្រូវបានកម្លាំងសមត្ថកិច្ចនៃអធិការក្រុងបាត់ដំបងឃាត់ខ្លួន.....
........................................................................
ខេត្តបាត់ដំបង៖នៅថ្ងៃ ពុធ ១០កើត ខែ មិគសិរ ឆ្នាំជូតទោស័កព.ស.២៥៦៤ ត្រូវនឹងថ្ងៃទី ២៦ ខែ វិច្ឆិកា ឆ្នាំ២០២០ វេលាម៉ោង ១៦ និង ៤០ នាទីនៅចំណុច ភូមិ ព្រៃដាច់ សង្កាត់អូរម៉ាល់ ក្រុងបាត់ដំបង ខេត្តបាត់ដំបង ដោយអនុវត្តតាមមតិដឹកនាជាប្រចាំរបស់លោក ឧត្តមសេនីយ៍ត្រី សាត គឹមសាន ស្នងការនគរបាលខេត្តបាត់ដំបង ក្រោមការណែនាំរបស់ឧត្តមសេនីយ៍ត្រី កុយ ហៀង ស្នងការរងទទួលផែនការងារគ្រឿងញៀន និងទទួលបន្ទុកដឹកនាំអធិការក្រុងបាត់ដំបង។
លោក វរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានជំរុញអោយ កម្លាំងជំនាញផ្នែកប្រឆាំងគ្រឿងញៀន សហការជាមួយ កម្លាំង ផ្នែកយុត្តិធម៌ នៃ អធិការដ្ឋាននគរបាលក្រុងបាត់ដំបង បានចុះ បង្ក្រាប ករណី រក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យចំនួន ០១នាក់
ឈ្មោះ យិន គឹមយ៉ាន ភេទប្រុស អាយុ ២៨ឆ្នាំ មានទីលំនៅ ភូមិព្រៃទទឹង ឃុំ ជ្រៃ ស្រុកថ្មគោល ខេត្តបាត់ដំបង ។
វត្ថុតាងចាប់យកបានរួមមាន÷ថ្នាំញៀនម៉ាទឹកកក(ICE) ចំនួន ៣ ថង់.វត្ថុតាងនិងជនសង្ស័យត្រូវបានបញ្ជូនទៅកាន់ការិយាល័យជំនាញដេីម្បីចាត់ការបន្តតាមនីតិវិធីច្បាប់។
No comments