រថយន្តហាយឡិនឌ័រ ពណ៌ ស មួយគ្រឿងបង្កឱ្យមានអគ្គិភ័យឆាប់ឆេះបណ្តាលអោយមានអ្នករងរបួសធ្ងន់ស្រាល ៣នាក់,,
ខេត្តបន្ទាយជ័យ៖នាយប់ថ្ងៃសុក្រទី៣០ខែតុលាឆ្នាំ២០២០ វេលា ម៉ោង១៨នឹង៤០មានអគ្គីភ័យមួយបានឆាបឆេះចេញពីរថយន្តហាយឡែនឌ័រដែលមានស្លាកលេខបន្ទាយ មានជ័យ 2A. 9567 នៅចំណុចមណ្ឌល៦ ស្ថិតនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ហេតុការណ៍មុនកើតហេតុគេបានឃើញមានរថយន្តម៉ាកហាយ ឡេនឌឺ ពណ៍ ស ពាក់ស្លាកលេខ បន្ទាយមានជ័យ 2A-9567 អ្នកបេីកបរដោយឈ្មោះ សារ៉ាត់ កន្និកា ភេទ ស្រី អាយុ ៣៨ ឆ្នាំ រស់នៅកន្លែងកេីតហេតុ បានចូលមកបញ្ចូលហ្គាសក្នុងរថយន្តចំនួន ១៥ គីឡូក្រាម នៅកន្លែងបញ្ចូលហ្គាសដែលមានឈ្មោះ មុំ សុភក្រ័ ភេទ ប្រុស អាយុ ២១ ឆ្នាំ ត្រូវជាបងប្អូនជីដូនមួយ ពេលកំពុងបញ្ចូលហ្គាសក៏បានផ្ទុះហ្គាសចេញពីក្នុងរថយន្ត បណ្តាលអោយភាយចំហាយហ្គាសចេញមកខាងក្រៅចំឆ្នាំងស៊ុបនៅក្បែរនោះ បណ្តាលអោយមានអគ្គីភ័យតែម្តង ។
ហេតុការណ៍នេះបង្ករមានភ្ញាក់ផ្អើល ភ្លាមៗនោះសមត្ថកិច្ចជំនាញ៍ នៃអធិការក្រុងប៉ោយប៉ែតដឹកនាំដោយលោកវរសេនីយ ឯក ធិន សុិន ដេត អធិការនៃអធិការដ្ឋានក្រុងប៉ោយប៉ែតបានចុះអន្តរាគមន៍យករថយន្តពន្លត់អគ្គីភ័យនៃអធិការដ្ឋានមកបាញ់ពន្លត់រថយន្តកំពុងតែបង្កមានការឆេះទាន់ពេលវេលា។
ករណីនេះបណ្តាលឲ្យមានអ្នករងរបួសប្រុសស្រី៣ នាក់ក្នុងនោះ មាន ក្មេងស្រី២ នាក់ត្រូវបានបញ្ជូនទៅព្យាលបាលនៅមន្ទីរពេទ្យខេត្តសៀមរាមមានឈ្មោះ៖
១.សារ៉ាក កក្កដា ភេទ ប្រុស អាយុ ១៤ ឆ្នាំ រងរបួសជេីងទាំងសងខាង,,,
២.ហ៊ន់ សុវណ្ណារី អាយុ ០៥ ឆ្នាំ រងបួសរលាកដៃជេីង និងផ្ទៃមុខ,,,,
៣.ហ៊ន់ ដាណេ អាយុ ០៧ ឆ្នាំ រងបួសរលាកដៃជេីងនិងផ្ទៃមុខ ,,,,
តាមប្រភពពីប្រពលរដ្ឋបានអោយដឹងថាមុនកើត ហេតុមានរថយន្ត ហាយឡែនឌ័រ ពណ៌ ស បានដឹកទឹកសុទ្ធមកដល់ផ្ទះក៍នាំគ្នាបោះទឹកសុទ្ធចេញពីរថយន្តស្រាប់តែភ្លើងឆាបឆេះចេញពីរថយន្តតែម្តងដោយមិនដឹងពីមូលហេតុ។
ហើយក៏នាំគ្នាស្ទុះស្ទាដើម្បីរកទឹកមកពន្លត់ហើយក៏បានរាយការណ៍ ទៅសមត្ថកិច្ចជំនាញនៃអធិការដ្ឋានក្រុងប៉ោយប៉ែតដើម្បី ឲ្យជួយចុះអន្តរាគមន៍ទាន់ពេលវេលាមិនបង្កឆាបចេះដល់ផ្ទះសម្បែងអ្នកដទៃទេ។
ករណីអគ្គីភ័យនេះបានរលត់ទាំងស្រុង នៅវេលាម៉ោង ១៩នឹង ២០ នាទី បន្ទាប់ពីមានការសហការជាមួយអាជ្ញាធរភូមិប្រជាពលរដ្ឋនឹងមានកិច្ចប្រតិបត្តិការពីរថយន្តពន្លត់អគ្គីភ័យរបស់អធិការដ្ធាននគរបាលក្រុងប៉ោយប៉ែតចំនួន ០១ គ្រឿង និងរថយន្តអគ្គីភ័យរបស់ក្រុមហ៊ុនត្រូពីកាណាចំនួន ០២ គ្រឿងអស់ទឹកចំនួន០៤ឡានផងដែល៕
No comments