លោកឧត្តមសេនីយ៍ទោ ឯម កុសល ស្នងការខេត្តកំពង់ចាម អញ្ជើញ​ចុះសួរសុខទុក្ខ​មន្រ្តី​នគរបាល​ ដែលរងបួសក្នងពេលបំពេញបេសកកម្ម,,,,,

ខេត្តកំពង់ចាម៖នៅរសៀលថ្ងៃទី០៧ ខែកញ្ញា ឆ្នាំ២០២០ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងសហការី បានអញ្ជេីញចុះទៅសួរសុខទុក្ខ និងនាំយកថវិកាដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត​ នេត​ សាវឿន អគ្គស្នងការនគរបាលជាតិ និងថវិកាចលនាមិត្តជួយមិត្ត នៃអធិការដ្ឋាននគរបាលស្រុកព្រៃឈរ សរុបជាថវិកាចំនួន ៣,៥០០,០០០រៀល ឧបត្ថម្ភដល់លោកអនុសេនីយ៍ឯក បេ វណ្ណា មន្រ្តី នៃអធិការដ្ឋាននគរបាលស្រុកព្រៃឈរ ដែលរងគ្រោះដោយម៉ូតូជិះបុក បណ្ដាលឲ្យបាក់ភ្លៅខាងឆ្វេង ខណៈពេលបំពេញបេសកកម្ម នៅគោលដៅអនុវត្តការរឹតបន្ដឹងច្បាប់ចរាចណ៍ផ្លូវគោក នៅចំណុចមុខប៉ុស្តិ៍នគរបាលរដ្ឋបាលបារាយណ៍ ស្រុកព្រៃឈរ ។

បច្ចុប្បន្ន​ស្ថានភាព​ជំងឺ​ ស្ថិតក្នុងការរង់ចាំការវះកាត់​ នៅមន្ទីរពេទ្យ​ព្រះកុសុមៈ​ រាជរាជធានីភ្នំពេញ។