សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

លោកឧត្តមសេនីយ៍ទោឈឿន សុចិត្ត ស្នងការខេត្តបាននាំយកអំណោយដ៏ថ្លៃថ្លារបស់នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិត្រូវបានប្រគល់ជូនមន្ត្រីនគរបាលនៅស្រុកកណ្តាលស្ទឹង,,,,

ដោយ :សារព័ត៌មានរស្មីក្រុងតាខ្មៅ-ញូស៍

ខេត្តកណ្តាល៖លោកឧត្តមសេនីយ៍ទោ ឈឿន​ សុចិត្ត​ ស្នងការនគរបាលខេត្តកណ្តាល​ នាំយកថវិកាមួយចំនួនព្រមទាំងអាវភ្លៀង ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត នេត​ សាវឿន អគ្គស្នងការនគរបាលជាតិ​ បានទៅប្រគល់ជូនដល់មន្ត្រីនគរបាល នៃអធិការដ្ឋាននគរ​បាលស្រុកកណ្តាលស្ទឹង នៅរសៀលថ្ងៃទី១៨ ខែកញ្ញា​ ឆ្នាំ២០២០​ ។

មន្ត្រីនគរបាល នៃអធិការដ្ឋាននគរ​បាលស្រុកកណ្តាលស្ទឹង​មានចំនួន១៨០រូប ក្នុងនោះទទួលបានថវិកា៥០០០០រៀល និងអាវភ្លៀងចំនួន០១ក្នុងម្នាក់ៗ។ ដោយឡែកអធិការនគរបាលស្រុកទទួលបានម៉ូតូធំចំនួន០៥គ្រឿង ទុកសម្រាប់ឱ្យមន្ត្រីជិះបំពេញការងារក្នុងមូលដ្ឋាន។

នាឱកាសនោះដែរ លោកឧត្តមសេនីយ៍ទោ​ ឈឿន​ សុចិត្ត​ ស្នងការនគរបាលខេត្តកណ្ដាល បានពាំនាំប្រសាសន៍ផ្តាំផ្ញើសាក​សួរសុខទុក្ខពីសំណាក់ ឯកឧត្តម​ នាយឧត្តម​សេនីយ៍​ សន្តិបណ្ឌិត​ នេត​ សាវឿន​ អគ្គស្នងការនគរបាលជាតិ និងបានណែនាំឱ្យយកងកម្លាំងនគរបាលទាំងអស់រក្សាសាមគ្គី​ភាពផ្ទៃក្នុង រួមគ្នាគិត​ រួមគ្នាធ្វើ ធ្វើឱ្យបងប្អូនប្រជាពលរដ្ឋក្នុងមូលដ្ឋានជឿទុក​ចិត្ត និងឱ្យពួកគាត់រស់នៅក្នុងភាពសុខ​សាន្តដោយមិនមានការភ័យខ្លាច ។

ក្រៅពីការងារជំនាញ និងបម្រើសេវាសាធារណៈជូនបងប្អូនប្រជាពលរដ្ឋក្នុងមូលដ្ឋាន កងកម្លាំងទាំងអស់ត្រូវថែទាំសុខភាព​ អនាម័យ​ខ្លួនប្រាណឱ្យបានស្អាតជានិច្ច ដើម្បីជៀសឆ្ងាយពីជម្ងឺផ្សេងៗ ពិសេសមេរោគរាតល្បាតកូវីដ-១៩។

សូមបញ្ជាក់ថា សកម្មភាពជួបសំណេះ​សំណាល​ និងចែកជូនថវិកា​ ព្រមទាំងអាវភ្លៀង ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត នេត​ សាវឿន អគ្គស្នងការនគរបាលជាតិ​នេះ​ ត្រូវបាន​លោកឧត្តមសេនីយ៍ទោ​ ឈឿន​ សុចិត្ត​ ស្នងការនគរបាលខេត្តកណ្តាលធ្វើឡើងចំនួន៣ស្រុករួចមកហើយ គឺនៅស្រុកល្វាឯម ស្រុកលើកដែក និងស្រុកពញាឮ។

ហើយនេះលើកទី៤ធ្វើឡើងនៅស្រុកកណ្តាលស្ទឹង និងបន្តធ្វើទៀតរហូតគ្រប់១១ក្រុង/ស្រុក ចំណុះឱ្យស្នងការដ្ឋាននគរបាលខេត្តកណ្តាល៕











No comments