លោកវរសេនីយ៍ឯក ជឹម ស៉ីថាដឹកនាំក្រុមការងារ ស.អ.ក ខណ្ឌដង្កោ និងសាខា ស.អ.ក សង្កាត់ទៀន ដើម្បីចុះប្រគល់ថវិកាបេឡាមរណៈសង្គ្រោះជូនដល់គ្រួសារ នៃសពជាសមាជិកអតីតយុទ្ធជនកម្ពុជា,,,,,

ភ្នំពេញ៖នៅថ្ងៃចន្ទ​ ១២រោច ខែភទ្របទ ឆ្នាំជូត ទោស័​ក ព.ស.២៥៦៤ ត្រូវនឹងថ្ងៃទី១៤ ខែកញ្ញា​ ឆ្នាំ​ ២០២០ វេលាម៉ោង ១៥និង៣០នាទីរសៀល លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ ជាប្រធាន សមាគមអតីតយុទ្ធជនកម្ពុជា ខណ្ឌដង្កោ តំណាងដ៏ខ្ពង់ខ្ពស់ឯកឧត្តម ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ជាប្រធានសមាគមអតីតយុទ្ធជនកម្ពុជារាជធានីភ្នំពេញ  បានដឹកនាំក្រុមការងារ ស.អ.ក ខណ្ឌដង្កោ និងសាខា ស.អ.ក សង្កាត់ទៀន ដើម្បីចុះប្រគល់ថវិកាបេឡាមរណៈសង្គ្រោះចំនួន ៤.០០០.០០០រៀល (បួនលានរៀល) ជូនដល់គ្រួសារ នៃសពឈ្មោះ កង វាសនា ភេទប្រុស​ ជាសមាជិកអតីតយុទ្ធជនកម្ពុជាដែលបានទទួលមរណៈភាពដោយជម្ងឺលើសឈាម កាលពីថ្ងៃទី០៧ ខែសីហា ឆ្នាំ២០២០ នៅភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ ដែលមានអ្នកទទួលបណ្ដាំឈ្មោះ ពេជ្រ កល្យាណ ភេទស្រី ត្រូវជាប្រពន្ធ ៕