ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញចុះត្រួតពិនិត្យ និងសួរសុខទុក្ខដោយផ្ទាល់តាមគ្រប់គោលដៅ និងប៉ុស្តិ៍នគរបាលរដ្ឋបាល ដេីម្បីជាការលេីកទឹកចិត្តដល់មន្ត្រីទាំងអស់ដែលបានចូលរួមសហការជួយសម្រួលចរាចរណ៍ រៀបចំសណ្តាប់ធ្នាប់ និងរក្សាការពារសន្តិសុខសុវត្ថិភាពជូនប្រជាពលរដ្ឋ,,,,,
ភ្នំពេញ៖ដោយមានការយកចិត្តទុកដាក់ដល់សុខទុក្ខរបស់មន្ត្រីដែលប្រចាំការនៅតាមបណ្តាគោលដៅ និងតាមប៉ុស្តិ៍នគរបាលរដ្ឋបាលនានា ក្នុងពិធីបុណ្យកាន់បិណ្ឌ និងភ្ជុំបិណ្ឌនេះ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជេីញចុះត្រួតពិនិត្យ និងសួរសុខទុក្ខដោយផ្ទាល់តាមគ្រប់គោលដៅ និងប៉ុស្តិ៍នគរបាលរដ្ឋបាល ដេីម្បីជាការលេីកទឹកចិត្តដល់មន្ត្រីទាំងអស់ដែលបានចូលរួមសហការជួយសម្រួលចរាចរណ៍ រៀបចំសណ្តាប់ធ្នាប់ និងរក្សាការពារសន្តិសុខសុវត្ថិភាពជូនប្រជាពលរដ្ឋ ដោយមិនបានឈប់សម្រាកជួបជុំក្រុមគ្រួសារ ឬទៅលេងស្រុកកំណេីតក្នុងពិធីបុណ្យកាន់បិណ្ឌ និងភ្ជុំបិណ្ឌនេះ ។
ឯកឧត្តមស្នងការក៏បានកោតសរសេីរដល់មន្ត្រីទាំងអស់ចំពោះការលះបង់ទាំងកម្លាំងកាយចិត្ត និងពេលវេលា ជាពិសេសត្រូវធានាការពារឲ្យបាននូវសុខសុវត្ថិភាពជូនប្រជាពលរដ្ឋ ជាពិសេសត្រូវថែរក្សាសុខភាពដោយធ្វេីអនាម័យកន្លែងធ្វេីការឲ្យបានស្អាតជានិច្ច ។
ក្នុងការចុះសួរសុខទុក្ខ និងត្រួតពិនិត្យកម្លាំងនេះឯកឧត្តមស្នងការ ក៏បាននាំយកភេសជ្ជ: ទឹកបរិសុទ្ធ និងថវិកាមួយចំនួន ដេីម្បីផ្តល់ជូនកម្លាំងតាមគោលដៅប្រចាំការសម្រួលចរាចរណ៍ រៀបចំសណ្តាប់ធ្នាប់ និងតាមបណ្តាប៉ុស្តិ៍នគរបាលរដ្ឋបាលផងដែរ ៕
សូមចូលរួមគោរពច្បាប់ចរាចរណ៍ឲ្យបានគ្រប់ៗគ្នានៅពេលបេីកបរ ។
No comments