Ticker

10/ព័ត៌មានជាតិ/ticker-posts

ឯកឧត្តម គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាលអញ្ជើញជាអធិបតីភាពនាំយកអំណោយមនុស្សធម៌សាខាកាកបាទក្រហមកម្ពុជាខេត្តកណ្ដាលចែកជូនប្រជាពលរដ្ឋរស់នៅជាមួយមេរោគអេដស៏ចំនួន១២១នាក់ មកពីសង្កាត់ទាំង៦ ក្នុងក្រុងតាខ្មៅ,,,,



ខេត្តកណ្ដាល៖ព្រឹកថ្ងៃទី៧ ខែសីហា ឆ្នាំ២០២០ ឯកឧត្តម គង់ សោភ័ណ្ឌ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាលកា,អញ្ជើញជាអធិបតីភាពនាំយកអំណោយមនុស្សធម៌សាខាកបាទក្រហមកម្ពុជាខេត្តកណ្ដាល ចែកជូនប្រជាពលរដ្ឋ ដែលរស់នៅជាមួយមេរោគអេដស៍ចំនួន១២១នាក់ មកពីសង្កាត់ចំនួន៦ ក្នុងក្រុងតាខ្មៅ ខេត្តកណ្ដាល  ដោយមានការអញ្ជើញចូលរួមពីសប្បរសជននានា ភរិយាថ្នាក់ដឹកនាំ មន្ទីរពាក់ព័ន្ធ និងយុវជនសាខាកាកបាទក្រហមកម្ពុជាខេត្តផងដែរ។

ដោយមានការអញ្ជើញចូលរួមពី​សប្បរសជននានា ភរិយាថ្នាក់ដឹកនាំ អ្នកស្ម័គចិត្តកាកបាទក្រហម និងយុវជនសាខា​កាកបាទ​ក្រហមកម្ពុជាខេត្តជាច្រើនរូបផងដែរ។
មានប្រសានស៍នាឱកានោះដែរ ឯកឧត្តម គង់ សោភ័ណ្ឌ បានពាំនាំនូវការផ្តាំផ្ញើសួរសុខ​ទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជាដោយក្តីនឹករឭក។

ឯកឧត្តមបានបញ្ជាក់ថា៖ កាកបាទក្រហមកម្ពុជា​ដែលមាន​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន សម្ដេច តែងបានណែ​នាំដល់​គ្រប់ស្ថាប័ន នៅក្រោ​មឱវាទទាំងអស់ត្រូវចុះសួរសុខទុក្ខដល់ប្រជាពលរដ្ឋជាប្រចាំ ពិសេសចាស់ជរាគ្មានទីពឹង ជនទីទ័លក្រ ស្រី្តមេម៉ាយក្រីក្រ អ្នកកំពុងរស់នៅជា​
មួយមេរោគអេដស៍ អ្នកជំងឺអេដស៍ កុមារកំព្រា ស្រី្តឆ្លងទន្លេ

ដោយមិនប្រកាន់ពូជសាសន៍សាសនា ប្រពៃណី ឬនិន្នាការនយោបាយឡើយ គឺក្នុងគោលបំណងជួយដោះស្រាយសម្រាល នូវការលំបាកចំពោះមុខឲ្យបានទាន់ពេលវេលា ព្រមទាំងបាននាំយកអំណោយ​ជាស្បៀងអាហារ និងជាសម្ភារប្រើប្រាស់ចាំបាច់ផ្សេងៗទៅជួយឧបត្ថម្ភបន្ទាន់ ដោយមិនទុកឲ្យប្រជាពលរដ្ឋណាម្នាក់ស្លាប់ដោយសារការដាច់ស្បៀងអាហារឡើយ។

ក្នុងនោះដែរឯកឧត្តមក៏បានសំណូមពរ ដល់ប្រជាពលរដ្ឋងាយរងគ្រោះទាំងអស់ត្រូវ​ថែរក្សា​សុខភាព ហូបថ្នាំឲ្យបានទៀងទាត់ និងកុំអស់សង្ឃឹម ព្រមទាំងបន្តយកចិត្តទុក​ដាក់ ខិតខំតស៊ូប្រកបរបរចិញ្ចឹមជីវិតជាបន្តទៀត។

ក្នុងឱកាសនោះដែរឯកឧត្ដម បានអំពាវនាវដល់ប្រជាពលរដ្ឋ ដែលរស់នៅជាមួយ​មេរោគអេដស៍ ឲ្យមានការប្រុងប្រយ័ត្នចំពោះមូសខ្លា ព្រោះបច្ចុប្បន្ននេះ មានការផ្ទុះ​រីករាលដាលនៃជំងឺគ្រុនឈិត ដែលជំងឺនេះត្រូវបានចំលងដោយមូសខ្លាញីខាំ។

ប្រសិនបើមានការសង្ស័យបានឆ្លងជម្ងឺគ្រុនឈិក ត្រូវប្រញាប់នាំអ្នកជំងឺទៅ​រកសេវាពិនិត្យ និងព្យាបាលរបស់រដ្ឋ ដូចជាមណ្ឌលសុខភាព ឬមន្ទីរពេទ្យបង្អែក​ដែលនៅជិតបំផុត កុំសាកល្បងព្យាបាលអ្នកជំងឺដោយខ្លួនឯង ឬពន្យារពេល​តាមដានព្យាបាលអ្នកជំងឺក្នុងសេវាឯកជន ដែលគ្មានសមត្ថភាព​ផ្នែកជំងឺគ្រុន​ឈិកឲ្យសោះ និងសូមបន្តចូលរួមអនុវត្តឲ្យបាន​តាមការណែនាំរបស់រាជរដ្ឋាភិបាល និងក្រសួងសុខាភិបាល ស្ដីពីការបង្ការ ការពារ និងទប់ស្កាត់ ការឆ្លងរីករាលដាល​នៃជំងឺកូវីដ១៩ ផងដែរ។

អំណោយដែលបានសាខា​បាននាំយកជូន អ្នកកំពុងរស់នៅជាមួយមេរោគអេដស៍​រួមមាន៖ អង្ករ ២៥គីឡូក្រាម ,មី ១កេស ,ត្រីខ ១យួរ ,ទឹកសុទ្ធ ១កេស ,ទឹកត្រី ១យួរ,ទឹកអាល់កុល ១ដប ,ម៉ាស់ ១០បន្ទះ និងថវិកា ១០ម៉ឺនរៀល៕














Post a Comment

0 Comments