Ticker

10/ព័ត៌មានជាតិ/ticker-posts

លោកឧត្តមសេនីយ៍ទោ ឯម កុសលស្នងការខេត្តកំពង់ចាម អញ្ជើញ​គោរពវិញ្ញា​ក្ខន្ធ​សព​មន្រ្តី​នគរបាលជាតិ​ និងនាំយកបច្ច័យរបស់​ ឯកឧត្ដម​ នាយឧត្តមសេនីយ៍​ សន្តិបណ្ឌិត​ អគ្គស្នងការ​នគរបាល​ជាតិ​ ប្រប្រគល់ជូនក្រុមគ្រួសារសព,,,,,,



ខេត្តកំពង់ចាម៖នៅរសៀលថ្ងៃទី៣១ ខែសីហា ឆ្នាំ២០២០ លោកឧត្តមសេនីយ៍ទោ ឯម កុសល​ ស្នងការនគរបាលខេត្តកំពង់ចាម បានដឹកនាំកងកម្លាំងនគរបាល​ នៃស្នងការដ្ឋាននគរបាលខេត្ត ចូលរួមក្នុងពិធីដាក់កម្រងផ្កា បំពាក់ឋានន្តរស័ក្តិ​ថ្នាក់ឧត្តម​សេនី​យ៍ត្រី ជាកិច្ចបច្ឆាមរណៈ និងគោរព​វិញ្ញាណក្ខន្ធ​​ជូនសពលោកវរសេនីយ៍ឯក រស់ ខេម៉ា​ នាយការិយាល័យនគរបាលចរាចរណ៍ជើងទឹក ដែលបានទទួល​មរណភាព​ ​កាលពីថ្ងៃទី២៩ ខែសីហា ឆ្នាំ២០២០ ក្នុង ជន្មាយុ៥០ឆ្នាំ ( ដោយជំងឺឡេីងសម្ពាធឈាម ) សពត្រូវបានក្រុមគ្រួសាររៀបចំធ្វើបុណ្យ តាមប្រពៃណីនៅគេហដ្ឋានសពស្ថិតនៅភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម តាមគន្លងប្រពៃណីព្រះពុទ្ធសាសនា

ជាមួយការអញ្ជេីញចូលរួមគោរពវិញ្ញាក្ខន្ធនោះដែរ លោកឧត្តមសេនីយ៍ទោស្នងការ​ ក៏បាននាំយកនូវបច្ច័យដ៏ថ្លៃថ្លារបស់​ ឯកឧត្ដម​ នាយឧត្តមសេនីយ៍​ សន្តិបណ្ឌិត​ នេត​ សាវឿន ​អគ្គស្នងការ​នគរបាល​ជាតិ​ និងបច្ច័យចូលរួមពីកងកម្លាំងនគរបាល​ នៃស្នងការដ្ឋាននគរបាលខេត្តកំពង់ចាម សរុបជាថវិកាចំនួន​ ១០លានរៀល អង្ករ០១បេ, ទឹកក្រូច០៣កេស, ទឹកសុទ្ធ០៣កេស និងមី០៣កេស ប្រគល់ជូនក្រុមគ្រួសារ​នៃសព ដើម្បីចាត់ចែងធ្វើបុណ្យ តាមគន្លងប្រពៃណីព្រះពុទ្ធសាសនា​

នៅថ្ងៃដដែលនេះ​ លោកឧត្តមសេនីយ៍ស្នងការ​ក៏បានចាត់ឲ្យលោកវរសេនីយ៍ឯក​ សំ​ ណាល​ អធិការនគរបាលស្រុក​បាធាយ​ នាំយកបច្ច័យរបស់​​ឯកឧត្ដម​ នាយឧត្តមសេនីយ៍​ សន្តិបណ្ឌិត​ អគ្គស្នងការ​នគរបាល​ជាតិ​ ចំនួន​ ១,០០០,០០០រៀលទៀត​ ទៅចូលរួមបុណ្យគំរប់ខួប៧ថ្ងៃ​ របស់ភរិយា​លោកវរសេនីយ៍ទោ​ រម្យ​ រតនា​ អធិការ​រង​ទទួលសេនាធិការ​ នៃអធិការដ្ឋាននគរបាលស្រុកបាធាយ​ ផងដែរ៕












Post a Comment

0 Comments