ឯកឧត្តម គឹង វណ្ណៈ អភិបាលរង ខេត្ត បន្ទាយមានជ័យ បានអញ្ជេីញ ជាគណៈ អធិបតីភាព បេីកយុទ្ធការផ្សព្វផ្សាយអប់រំ និងចែកថ្នាំអាបែតសម្លាប់មូសខ្លា ដល់ប្រជាពលរដ្ឋតាមភូមិនិងគោលដៅ និមួយៗ ក្នុងក្រុងប៉ោយប៉ែត,,,,
ខេត្តបន្ទាយមានជ័យ៖ឯកឧត្តម គឹង វណ្ណៈ អភិបាលរង ខេត្ត បន្ទាយមានជ័យ បានអញ្ជេីញ ជាគណៈ អធិបតីភាព បេីកយុទ្ធការផ្សព្វផ្សាយអប់រំ និងចែកថ្នាំអាបែតសម្លាប់មូសខ្លា ដល់ប្រជាពលរដ្ឋតាមភូមិនិងគោលដៅ និមួយៗ ដេីម្បីទប់ស្កាត់ជម្ងឺគ្រុនឈីក(Chikungunya) និងជម្ងឺគ្រុនឈាមដែលមានមូសខ្លាជាភ្នាក់ងារចម្លងយុទ្ធនាការនេះត្រូវនឹងព្រឹកថ្ងៃស្រុកទី២៤ខែកក្កដាឆ្នាំ២០២០ស្ថិតនៅក្រុងប៉ោយប៉ែត។
ពិធីនេះក៏មានការចូលរួម លោកវេជ្ជបណ្ឌិត ឡេ ចន្ទសង្វាត ប្រធានមន្ទីរសុខាភិបាលខេត្ត លោក សាន ស៊ាន ហូ ប្រធានក្រុមប្រឹក្សាក្រុងប៉ោយប៉ែត លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត។
និងក្រុមការងារឆ្លើយតបបន្ទាន់របស់មន្ទីរសុខាភិបាល នៃរដ្ឋបាលខេត្ត បន្ទាយមានជ័យ និងអ្នកពាក់ព័ន្ធមួយចំនួនទៀតផងដែរ។
កាលពីថ្ងៃទី២៣ក្រសួងសុខាភិបាល បានចេញសេចក្តីប្រកាសព័ត៌មាន ស្តីពីការផ្ទុះឡេីងនៃជំងឺគ្រុនឈីក នៅក្រុងប៉ោយប៉ែត ខេត្តបន្ទាយមានជ័យ ដោយមាន ជំងឺនេះ ចាប់តាំង ពីថ្ងៃទី១៩រហូតមកដល់ថ្ងៃ២៤នេះ មានប្រជា ពលរដ្ឋជាង១៦៨ ក្នុងភូមិក្បាលកោះ និងភូមិអូរជ្រៅ ភូមិប៉ោយប៉ែត សង្កាត់ប៉ោយប៉ែត និងភូមិព្រៃគប់ ភូមិអូរនាង ភូមិព្រៃឬស្សី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ មានចេញរោគសញ្ញា គ្រុនក្តៅ ៣៨អង្សាសេ កន្តួលលេីស្បែក និងឈឺសន្លាក់ដៃជេីង។
ហេីយក្រុមអ្នកជំនាញបានយកសំណាកអ្នកមាន បញ្ហាសុខភាព១៦៨នាក់អ្នក ជំងឺ សម្រាកព្យាបាលក្នុងពេទ្យបង្អែកប៉ោយប៉ែត ៣២នាក់បច្ចុប្បន្នពួកគាត់មានភាពល្អប្រ សេីរឡើងវិញហើយ។
អ្នកសម្រាកព្យាបាលនៅមន្ទីរពេទ្យ ឬនៅផ្ទះមន្ត្រីជំនាញបានបូមឈាមយកមកធ្វេីតេស្តវិភាគរកវីរុសកញ្រ្ជឹល ស្អូច ៦០នាក់ និងបូមឈាមធ្វេីតេសត្តវិភាគរកជំងឺគ្រុនឈីក២២នាក់
យកសំណាករកវីរុសកូរូណា២២នាក់។
ក្រោយពីបូមឈាមយកទៅពនិត្យនៅនាយកដ្ឋានប្រយុទ្ធនឹងជំងឺឆ្លងរបស់ក្រសួងសុខាភិបាលរួចមក ឃេីញថាជាករណីជំងឺគ្រុនឈីក,។
ជំងឺគ្រុនឈីកគឺជាជំងឺ ដែលបង្កដោយវីរុសឈីក ហើយចម្លងតាមរយៈមូសខ្លាញីខាំ ជាពិ សេសនោះគឺខាំនៅពេលថ្ងៃ។
ជំងឺនេះ ត្រូវបានគេរកឃើញដំបូងបំផុតនៅឆ្នាំ ១៩៥៣ នៅទ្វីបអាហ្វ្រិក និងបណ្តាប្រទេសដទៃទៀតផង ដែលក្នុងនោះក៏មានប្រទេសកម្ពុជារបស់នៅក្នុងឆ្នាំ១៩៦១ ផងដែរ។
ជំងឺគ្រុនឈីក មិនបណ្តាលអោយអ្នកជំងឺបាត់បង់ជីវិតនោះទេ ស្ទើរតែគ្រប់អ្នកជំងឺទាំងអស់ ជាសះស្បើយឡើងវិញហើយ។
ក្នុងរយៈពេល១សប្តាហ៍ឬអាចយូររហូតដល់រាប់អាទិត្យក្នុងករណីខ្លះ។
ជាពិសេសជំងឺនេះ អាចធ្វើអោយអ្នកជំងឺមានអាការៈឈឺសន្លាក់ដៃជើងក្នុងរយៈពេលយូរដល់ឆ្នាំក៏មានដែរ ហើយអាចបណ្តាលអោយស្លាប់
បាត់បង់ជីវិតបាន នៅក្នុងករណីនេះដែលអ្នកជំងឺ មានជំងឺរួមផ្សំដូចជា ជំងឺគ្រុនចាញ់
ជំងឺគ្រុនឈាម និងជំងឺរលាកស្រោមខួរក្បាលជាដើម។
នៅក្នុងពិធីផ្សព្វផ្សាយនោះ ឯកឧត្តម គឹង វណ្ណៈ អភិបាលរងខេត្ត បានមានប្រសាសន៍ថា ជំងឺគ្រុនឈីក, មានភាពស្រដៀងទៅនឹងជំងឺ គ្រុនឈាម ដោយយើងអាចការពារបានតាមរយៈការការពារកុំអោយមូសខ្លាំញីខាំ សូមបងប្អូនសម្អាតបរិស្ថានជុំវិញផ្ទះ អោយបានស្អាត ដូចជាមានទឹកដក សំបកកំប៉ុងសំរាមព្រៃស៊ុបទ្រុប ដែលជាជម្រកនៃការកកើតសត្វមូសទាំងអស់នេះ។
ដើម្បីការពារពីជំងឺគ្រុនឈីក ប្រជាពលរដ្ឋគ្រប់ រូបគួរតែអនុវត្តតាមវិធានការណ៍ដូចខាងក្រោម
បំបាត់ជម្រកមូសខ្លា ការពារកុំអោយមាន
ទឹកដក់ នៅជុំវិញផ្ទះ លុបបំបាត់ថ្លុក សំបកកំប៉ុង សំបកកង់ឡាន ត្រឡោកដូង ធុងទឹក ផើងផ្កា និងប្រើអាបែតដាក់ក្នុងអាងស្តុបទឹក ឬពាង ជារៀងរាល់ថ្ងៃ។
ស្លៀកសម្លៀកបំពាក់ជើងវែង ដៃវែង គួរតែជាសម្លៀកបំពាក់ដែលមានពណ៌ភ្លឺ ចៀសវាង ខ្មៅឬងងឹត ប្រើថ្នាំបាញ់ Spary ឬ លាប repellent) ដើម្បីការពារមូស ស្រ្តីមានផ្ទៃពោះក៏ប្រើប្រាស់បានដែរគេងក្នុងមុង រាល់ពេល បើកទ្វារ បង្អួច ដើម្បីមានពន្លឺ និងខ្យល់ចេញចូលបានល្អ។
ឯកឧត្តម គឹង វណ្ណៈ អភិបាលរងខេត្ត ក៏បានធ្វេីការអំពាវនាវ ឲ្យបងប្អូនប្រជាពលរដ្ឋទូទាំងខេត្ត សូមមានការប្រុងប្រយត្ន័ចំពោះការផ្ទុះឡើងវិញ នូវជំងឺគ្រុនឈីក ដោយត្រូវចូលរួមសហការអនុវត្តនូវវិធានការ បំបាត់ជម្រកមូសខ្លា សំខាន់រួមគ្នាសំអាតអនាម័យបរិស្ថានជុំវិញផ្ទះសម្បែង របស់បងប្អូន មុននិងចូលដេកចងមុងឲ្យបានត្រឹមត្រូវ ហើយបើមានបញ្ហាសុខភាព ត្រូវប្រញាប់ ទៅទទួលយកសេវាពិនិត្យ និងព្យាបាលនៅមណ្ឌលសុខភាព ឬមន្ទីរពេទ្យដែលនៅជិតផ្ទះរបស់បងប្អូន ។
No comments