សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

លោកជំទាវ ហ៊ុន កុសនី អភិបាលរងខេត្តអញ្ជើញជាអធិបតីភាពក្នុងពិធីសម្ភោធផ្សារចុងសប្ដាហ៍ របស់មន្ទីរពាណិជ្ជកម្មខេត្តកណ្តាល,,,

ដោយ :សារព័ត៌មានរស្មីក្រុងតាខ្មៅ-ញូស៍


ខេត្តកណ្តាល៖ លោកជំទាវ ហ៊ុន កុសនី អភិបាលរងខេត្ត អញ្ជើញជាអធិបតីភាពក្នុងពិធីសម្ពោធផ្សារចុងសប្តាហ៍មន្ទីរពាណិជ្ជកម្មក្នុងខេត្តកណ្ដាលត្រូវនឹងថ្ងៃសៅរ ០៥កើត  ខែ ស្រាពណ៌ ឆ្នាំជូត ទោស័ក ព.ស២៥៦៤ ត្រូវនឹង ថ្ងៃទី២៥ ខែកក្កដា ឆ្នាំ២០២០ស្ថិតនៅបរិវេណសួនច្បារតាខ្មៅសង្កាត់តាខ្មៅក្រុងតាខ្មៅខេត្តកណ្តាល។

នៅក្នុងពិធីសម្ពោធលោកស្រីអភិបាលរងខេត្តបានអំពាវនាវដល់ប្រជាពលរដ្ឋចូលរួមគាំទ្រ និងទិញផលិតផលពីផ្សារចុងសប្ដាហ៍ របស់មន្ទីរពាណិជ្ជកម្មខេត្តកណ្តាល ព្រោះផ្សារចុងសប្ដាហ៍នេះ លក់ផលិតផលកសិកម្មក្នុងស្រុក ដែលមានការណែនាំបច្ចេកទេសនៃការដាំដុះ និងការចិញ្ចឹម ប្រកបដោយគុណភាព សុវត្ថិភាព និងតម្លៃសមរម្យ។

លោកជំទាវអភិបាលរងខេត្ត អំពាវនាវបែបនេះ ក្នុងឱកាសលោកជំទាវ អញ្ជើញចូលរួមក្នុងពិធីសម្ពោធផ្សារចុងសប្ដាហ៍ ដែលរៀបចំដោយមន្ទីរពាណិជ្ជកម្មខេត្តកណ្តាល និងដោយមានការអញ្ជើញចូលរួម ឯកឧត្ដម ចាន់ សុខទី អគ្គនាយកពាណិជ្ជកម្មក្នុងប្រទេស  និងជាប្រធានគម្រោងជំរុញទីផ្សារកសិកម្មខ្នាតតូច អេម (AIMS) មន្ទីរពាក់ព័ន្ធ ផលិតករ អាជីវករ និងប្រជាពលរដ្ឋជាច្រើននាក់។

លោកជំទាវបន្តថា ការចូលរួមគាំទ្រ និងទិញផលិតផលពីផ្សារចុងសប្ដាហ៍ គឺបងប្អូនប្រជាពលរដ្ឋនឹងទទួលបាននូវបន្លែ សាច់ ប្រកបដោយគុណភាព សុវត្ថិភាព និងមានតម្លៃសមរម្យ ពិសេសវាបានរួមចំណែកក្នុងការលើកកម្ពស់ជីវភាពប្រជាកសិករនៅក្នុងស្រុក ព្រោះថា បន្លែដែលផ្សារចុងសប្ដាហ៍លក់ គឺជាផលិតផលរបស់ប្រជាពលរដ្ឋនៅក្នុងស្រុកផ្ទាល់ ហើយទទួលបានការណែនាំបច្ចេកទេសនៃការដាំដុះ និងការចិញ្ចឹមត្រឹមត្រូវពីមន្ទីរជំនាញ។

មានប្រសាន៍ក្នុងឱកាសនោះដែរ ឯកឧត្ដម ចាន់ សុខទី អគ្គនាយកពាណិជ្ជកម្មក្នុងប្រទេស  និងជាប្រធានគម្រោងជំរុញទីផ្សារកសិកម្មខ្នាតតូច អេម (AIMS) បានអោយដឹងថា ផ្សារចុងសប្ដាហ៍នេះ បានក្លាយជាទម្លាប់ និងជាការសប្បាយរីករាយរបស់ប្រជាជនជាច្រើននៅទីក្រុង។ ព្រោះវាបានបង្កើតឱកាសដល់អតិថិជនទាំងអស់ ដើម្បីបានសាកនូវផលិតផលដែលមាន គុណភាពខ្ពស់ សុវត្ថិភាព អនាម័យល្អ មានពាណិជ្ជសញ្ញា ធានាសុខុមាលភាពដល់អតិថិជន ជាងនេះវាបានបង្កើតឱ្យមានការជឿទុកចិត្តគ្នាទៅវិញទៅមករវាងអ្នកលក់ និងអ្នកទិញ ដែលនាំមកនូវផលប្រយោជន៍ជាក់ស្ដែងដល់អ្នកទាំងពីរ។

លោក អោម ប៊ុនធឿន ប្រធានមន្ទីរពាណិជ្ជកម្មខេត្តកណ្ដាលបានឱ្យដឹងថា ការបង្កើតឱ្យមានផ្សារចុងសប្ដាហ៍នេះ គឺសម្រាប់ដាក់លក់ផលិតផល កសិផលមួយចំនួន  ដូចជា បន្លែសរីរាង្គ បន្លែសុវត្ថិភាព សាច់មាន់ស្រែ ពងមាន់ និងអង្ករប្រណិតជាដើម ហើយបន្លែទាំងអស់សុទ្ធតែបានឆ្លងកាត់មន្ទីរពិសោធរបស់មន្ទីរកសិកម្ម តេសគ្មានសាធាតុគីមីទើបយកមកលក់។ លោកបន្តទៀតថា ផ្សារចុងសប្ដាហ៍នេះ នឹងបើកលក់ចាប់ម៉ោង៨:៣០នាទី ដល់ម៉ោង៥ល្ងាច ដែលមានទីតាំនៅបរិវេណជុំវិញមន្ទីរពាណិជ្ជកម្មខេត្តកណ្ដាល រៀងរាល់ថ្ងៃចុងសប្ដាហ៍ គឺថ្ងៃសៅរ៍ និងថ្ងៃអាទិត្យ។






No comments