Sunday, August 1, 2021

ប្រជាពលរដ្ឋសំណូមពរលោកអធិការស្រុកមុខកំពូលចុះបង្ក្រាបទីតាំងល្បែងស៊ីសងជល់មាន់តាមអនឡាញដុះស្លែមួយកន្លែងក្នុងភូមិពាម ឃុំរកាកោង១

ចេញផ្សាយថ្ងៃ : Sunday, August 01, 2021
អ្នកនិពន្ធ:



ប្រជាពលរដ្ឋសំណូមពរលោកអធិការស្រុកមុខកំពូលចុះបង្ក្រាបទីតាំងល្បែងស៊ីសងដុះស្លែក្នុងភូមិពាម ឃុំរកាកោង១ កំពុងតែប្រមូលផ្តុំគ្នាមិនខ្លាចញញើតនឹងការរីករាលដាលពីជំងឺកូវីដ19!!!!!

..................................................................

ខេត្តកណ្ដាល៖ ចេញផ្សាយនៅថ្ងៃទី០១.០៨.២០២១ ទីតាំងហាងកាហ្វេបង្កើតល្បែងស៊ីសងដុះស្លែ «មាន់ជល់ ហាយឡាយ » មួយកន្លែងស្ថិតនៅភូមិពាម ឃុំរកាកោង១ ស្រុកមុខកំពូល  (ជាប់វត្តពាមមង្គល) នៅតែបើកដំណើរការបានដោយរលូន ដោយសមត្ថកិច្ចមូលដ្ឋានមិនហ៊ានប៉ះពាល់ឡើយ។



តាមប្រភពព័ត៌មានជាក់ស្ដែងបានឲ្យដឹងថា៖ ទីតាំងល្បែងស៊ីសងខុសច្បាប់ខាងលើនេះ បើកទទួលអ្នកញៀនល្បែងស៊ីសង ចាប់ពីម៉ោង៩-១០ព្រឹក រហូតដល់ម៉ោង ៥-៦ល្ងាច ថែមទាំងស្រែកហ៊ោកញ្ជ្រៀវ ឡូឡា ផ្អើលពេញភូមិ ដោយគ្មានអាជ្ញាធរនិងសមត្ថកិច្ចមូលដ្ឋានណា ដឹងលឺឡើយ។


តាមការសង្ស័យតៗគ្នា បានសង្ស័យថា៖ ទីតាំងល្បែងស៊ីសងខុសច្បាប់ខាងលើនេះ ប្រហែលជាមានខ្នងបង្អែកហើយមើលទៅ ទើបអាចដំណើរការបានដោយរលូន។



ប្រជាពលរដ្ឋជាច្រើនសុំសំណូមពរ ដល់ លោកវរសេនីយ៍ឯក ឯក លន់ អធិការនៃអធិការដ្ឋាននគរបាលស្រុកមុខកំពូល សូមមេត្តាជួយចាត់កម្លាំងជំនាញ ចុះបង្ក្រាបទប់ស្កាត់បទល្មើសល្បែងស៊ីសងខុសច្បាប់ខាងលើនេះផងទាន៕

ជុំវិញការចុះផ្សាយល្បែងស៊ីសងខាងលើអង្គភាព (រស្មីក្រុងតាខ្មៅ) រង់ចាំការបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើការ។


ការិយាល័យនិពន្ធ☎️0967117744/017279124




សមាគមអតីតយុទ្ធជនខេត្តកណ្តាលបានប្រគល់ផ្ទះ និង សម្ភារះ របស់សមាគម អតីតយុទ្ធជន ជូនដល់គ្រួសារអតីតយុទ្ធជនចំនួន០៣គ្រួសារក្នុងស្រុកល្វាឯម​!!!!!

ចេញផ្សាយថ្ងៃ : Sunday, August 01, 2021
អ្នកនិពន្ធ:



.......................................................................

ខេត្តកណ្តាល៖នៅព្រឹកថ្ងៃអាទិត្យ០៨រោច ខែទុតិយាសាឍ ឆ្នាំឆ្លូវត្រីស័កព.ស ២៥៦៥ ត្រូវនឹងថ្ងៃទី០១ ខែសីហាឆ្នាំ២០២១ ឧត្តមសេនីយត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល​ នឹងជាប្រធានសមាគមអតីតយុទ្ធជនខេត្តកណ្តាល រួមជាមួយលោក កន សុខកាយ អភិបាលនៃគណៈអភិបាលស្រុកល្វាឯម និងជាប្រធានកិត្តយសសមាគម អតីតយុទ្ធជនស្រុក លោកវរសេនីយឯក ហេង សុផល អធិការនគរបាលស្រុកនិងជាប្រធានសមាគមអតីតយុទ្ធជនស្រុក ព្រមទាំងលោក លោកស្រីអនុប្រធាន​ សមាជិកសមាជិការ​សមាគម អតីតយុទ្ធជនស្រុក បានប្រគល់ផ្ទះ និង សម្ភារះ របស់សមាគម អតីតយុទ្ធជន ជូនដល់គ្រួសារអតីតយុទ្ធជនចំនួន០៣គ្រួសារក្នុងស្រុកល្វាឯម​រួមមាន៖

១-ឃុំពាមឧកញ៉ាអុង ០១គ្រួសារ ឈ្មោះ ឡឹង ពូន ភេទស្រី អាយុ៦១ឆ្នាំជាស្ត្រីមេម៉ាយ។

២-ឃុំព្រែកក្មេង០១គ្រួសារប្តីឈ្មោះ ហេង គឹមហ៊នអាយុ ៥៨ឆ្នាំ ប្រពន្ធឈ្មោះ រ៉ា ស៊ី អាយ ៤៩ឆ្នាំ។

៣-ឃុំបឹងគ្រំ០១គ្រួសារ ឈ្មោះ ឯម សារុន ភេទស្រី អាយុ៦៩ឆ្នាំស្ត្រីមេម៉ាយ។

សម្ភារៈ ផ្តល់ជូនក្នុងមួយគ្រួសារៗទទួលបាន៖

-ផ្ទះ១ខ្នងទទឹង ៥ម x ៧ម សរសរបេតុង ប្រក់ស័ង្កសី ។

-ថវិកាសមាគមអតីតយុទ្ធជន៦០ម៉ឺនរៀល

-ថវិកាលោកអភិបាលស្រុកល្វាឯម២០ម៉ឺនរៀល

-អង្ករ១បាវ

-មី១កេស

-ទឹកត្រី១យួរ

-ទឹកស៊ីអុីវ១យួរ

-ត្រីខ១យួរនិង

-ឃីត១កញ្ចប់ផងដែរ។

#ដោយរស្មីក្រុងតាខ្មៅ!!!!!












Saturday, July 31, 2021

លោក ម៉ន វិទ្ធី អធិការខណ្ឌពោធិ៍សែនជ័យមានសមត្ថភាពចុះបង្ក្រាបទីតាំងល្បែងស៊ីសង មាន់ជល់ នឹងអាប៉ោងដល់ធំ កំពុងតែបើកលេងនៅថ្នល់រថភ្លើងដែលរឺទេ!!!!!

ចេញផ្សាយថ្ងៃ : Saturday, July 31, 2021
អ្នកនិពន្ធ:



.................................................................

ភ្នំពេញ៖ ចេញផ្សាយនៅថ្ងៃទី៣១.០៧.២០២១ទីតាំងល្បែងស៊ីសង «មាន់ជល់ និងអាប៉ោង» ដល់ធំមួយកន្លែងស្ថិតនៅតាមបណ្តោយផ្លូវរថភ្លើង សង្កាត់ កាកាប ខណ្ឌ ពេាធិសែនជ័យ កំពុងតែបើកដំណើរការយ៉ាងកក្រើកក្រែង ប៉ុន្តែអាជ្ញាធរនិងសមត្ថកិច្ចមូលដ្ឋាន មិនឃើញបង្ក្រាប។



ប្រជាពលរដ្ឋជាច្រើនបានសម្តែងការព្រួយបារម្ភយ៉ាងខ្លាំងពីសុខទុក្ខរបស់គាត់ ខណៈដែលអ្នកញៀនល្បែងជាច្រើន កំពុងតែប្រមូលផ្ដុំគ្នាលេងយ៉ាងកក្រើកក្រែង បែរជា អាជ្ញាធរមានសមត្ថកិច្ច បែរជាមើលមិនឃើញ។



តើលោក ម៉ន វិទ្ធី អធិការខណ្ឌពោធិ៍សែនជ័យ មានសមត្ថភាពចុះបង្ក្រាបទីតាំងល្បែងស៊ីសង មាន់ជល់ នឹងអាប៉ោងដល់ធំ កំពុងតែបើកលេងនៅថ្នល់រថភ្លើងដែលរឺទេ!!!!!


ជុំវិញករណីខាងលើនេះប្រជាពលរដ្ឋជាច្រើនស្នើសុំអោយលោក ម៉ន វុធី អធិការនគរបាលខណ្ឌពោធិ៍សែនជ័យ មេត្តាចាត់វិធានការបង្ក្រាប និងទប់ស្កាត់បទល្មើសល្បែងស៊ីសងខុសច្បាប់ខាងលើនេះផងទាន! ជៀសវាងមានការរិះគន់ពីមហាជនថា អាជ្ញាធរនឹងសមត្ថកិច្ចពាក់ព័ន្ធក្នុងមូលដ្ឋាន ឃុបខិតជាមួយបទល្មើសនិងអសមត្ថភាពក្នុងការចុះបង្ក្រាបល្បែងស៊ីសង។



មហាជនក៏ដូចជាប្រជាពលរដ្ឋសូមសំណូមពរដល់លោកឧត្តមសេនីយ៍ឯក ស ថេត អគ្គស្នងការរងក៏ជាស្នងការជាតិភ្នំពេញសូមមេត្តាមានវិធានការចុះបង្ក្រាបទីតាំងល្បែងជល់មាន់មួយកន្លែងនេះកំពុងតែប្រមូលផ្ដុំគ្នាលេងមិនខ្លាចកំពុងតែប្រមូលផ្តុំគ្នាមិនខ្លាចញញើតពីការរីករាលដាលកូវីដ19 ដែលក្រសួងសុខាភិបាលកំពុងតែទប់ស្កាត់។


ជុំវិញការចុះផ្សាយបទល្មើសល្បែងស៊ីសងជល់មាន់ខាងលើអង្គភាព(រស្មីក្រុងតាខ្មៅ)ទៅរង់ចាំការបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើ។


ការិយាល័យនិពន្ធ📱0967117744/017279124


លោកវីរ:សេនីយ៍ត្រី ឈឹម រ៉ា នាយប៉ុស្តិ៍នគរបាលរដ្ឋបាលសង្កាត់ស្ពានថ្មដឹកនាំកម្លាំងចុះបិទទីតាំងលេងល្បែង «មាន់ជល់ ហាយឡាយ» មួយកន្លែងនិងដកហូតសម្ភារៈមួយចំនួន!!!!!

ចេញផ្សាយថ្ងៃ : Saturday, July 31, 2021
អ្នកនិពន្ធ:



................................................................

ភ្នំពេញ៖ នាថ្ងៃទី៣០ ខែកក្កដា ឆ្នាំ២០២១ ក្រោមការបញ្ជាផ្ទាល់ដោយលោក ជឹម ស៊ីថា អធិការនគរបាលខណ្ឌដង្កោ ដឹកនាំដោយលោកវីរ:សេនីយ៍ត្រី ឈឹម រ៉ា នាយប៉ុស្តិ៍នគរបាលរដ្ឋបាលសង្កាត់ស្ពានថ្ម សហការជាមួយ លោកចៅសង្កាត់ និងកម្លាំងប្រជាការពារ ចុះបិទទីតាំងល្បែងស៊ីសង «មាន់ជល់ ហាយឡាយ» មួយកន្លែងស្ថិតនៅភូមិគោកឪឡឹក សង្កាត់ស្ពានថ្ម ខណ្ឌដង្កោ។


ចំណែកម្ចាស់ទីតាំងត្រូវបានអាជ្ញាធរមានសមត្ថកិច្ចនាំខ្លួនយកមកអប់រំ ណែនាំ ឱ្យឈប់ កុំឱ្យបើកលេងល្បែងស៊ីសងតាមអនឡាញ យ៉ាងអនាធិបតេយ្យទៀត។



 រីឯវត្ថុតាងដកហូតរួមមាន៖ ទូរទស្សន៍ តុ ជើងម៉ា និងសម្ភារៈមួយចំនួនទៀត ត្រូវបានបញ្ជូនមកនគរបាលប៉ុស្តិ៍ស្ពានថ្ម យកមករក្សាទុក។



ប្រជាពលរដ្ឋជាច្រើនបានសម្តែងនូវក្តីរីករាយសាទរចំពោះចំណាត់ការរបស់អាជ្ញាធរនិងសមត្ថកិច្ចក្នុងមូលដ្ឋាន៕



សូមចូលរួមទប់ស្កាត់រាល់ការឆ្លងរីករាលដាលនៃជំងឺកូវីដ១៩ ដោយប្រកាន់ខ្ជាប់នូវវិធានការ «៣កុំ និង ៣ការពារ»



ប្រជាពលសូមថ្លែងអំណរគុណយ៉ាងជ្រាលជ្រៅ លោកវរសេនីយ៍ឯក ជឹម ស៊ីថា អធិការដ្ឋានខណ្ឌដង្កោ ដែលបញ្ជារកម្លាំងចុះបង្ក្រាបទីតាំងលួចលេងល្បែងស៊ីសងប្រជាពលរដ្ឋនិងសង្ឃឹមថាទីតាំងល្បែងស៊ីសងមួយនេះនឹងមិនមានវត្តមានជាបន្តទៀត។


#ដោយរស្មីក្រុងតាខ្មៅ!!!!!








Thursday, July 29, 2021

លោក លីវ វណ្ណថេង ចៅសង្កាត់ព្រែកថ្មី និងសមាជិក សមាជិកា ក្រុមប្រឹក្សាសង្កាត់ បាននាំយកអំណោយរបស់សម្ដេចព្រះពោធិវង្ស អំ លឹម ហេង ដែលមានអង្ករចំនួន ១តោន យកទៅផ្ដល់ជូនកងកម្លាំងប្រជាការពារក្នុងមូលដ្ឋានសង្កាត់ព្រែកថ្មី ចំនួន ៥០នាក់!!!!!

ចេញផ្សាយថ្ងៃ : Thursday, July 29, 2021
អ្នកនិពន្ធ: ,



..…................................................................

ភ្នំពេញ៖នាល្ងាចថ្ងៃទី ២៩ ខែ កក្កដា ឆ្នាំ ២០២១ លោក លីវ វណ្ណថេង ចៅសង្កាត់ព្រែកថ្មី និងសមាជិក សមាជិកា ក្រុមប្រឹក្សាសង្កាត់ បាននាំយកអំណោយរបស់សម្ដេចព្រះពោធិវង្ស អំ លឹម ហេង ដែលមានអង្ករចំនួន ១តោន យកទៅផ្ដល់ជូនកងកម្លាំងប្រជាការពារក្នុងមូលដ្ឋានសង្កាត់ព្រែកថ្មី ចំនួន ៥០នាក់ ដោយក្នុងម្នាក់ៗ ទទួលបាន ២០គីឡូ និងអំណោយ របស់ ឯកឧត្តម នួន ផារត្ន័ អភិបាលរងរាជធានីភ្នំពេញ ដែលមានអង្ករ ចំនួន ២តោន យកមកផ្ដល់ជូន យុវជន សសយក ក្នងសង្កាត់ព្រែកថ្មី ចំនួន ១៣៣នាក់ ដោយក្នុងម្នាក់ៗ ទទួលបាន ១៥គីឡូ។



ក្នុងឳកាសនេះ លោកចៅសង្កាត់ ក៏បានលើកពីការខិតខំប្រឹងប្រែងរបស់រដ្ឋាភិបាល និងថ្លែងអំណរគុណដល់ យុវជន សសយក ក្នុងការប្រយុទ្ធទប់ស្កាត់ជំងឺកូវីដ ១៩។ រួមជាមួយគ្នានេះលោក ចៅសង្កាត់ការមានសារផ្ដាំផ្ញើឲ្យយុវជនមានការខំប្រឹងប្រែងឲ្យខ្ជាប់ខ្ជួន គោរពវិធាន ៣កុំ ៣ការពារ ព្រមទាំងលើកទឹកចិត្ត និងផ្ដល់ឳកាសជូនយុវជនគ្រប់យុទ្ធការសង្គម រួមទាំង យុទ្ធការចាក់វ៉ាក់សាំងជូនប្រជាពលរដ្ឋអាយុចាប់ពី ១២ឆ្នាំ ដល់ ១៧ឆ្នាំនាពេលខាងមុននេះផងដែរ។

#ដោយរស្មីក្រុងតាខ្មៅ!!!!!





ឯកឧត្តម ប៉ាន់ខែម ប៊ុនថន នាយករងខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន ដឹកនាំកិច្ចប្រជុំពិភាក្សាអំពីវឌ្ឍនភាពគម្រោងសាងសង់សួនច្បារ ប៉ោយប៉ែតតេជោឈ្នះ-ឈ្នះ!!!!!

ចេញផ្សាយថ្ងៃ : Thursday, July 29, 2021
អ្នកនិពន្ធ: ,



..................................................................

ខេត្តបន្ទាយមានជ័យ៖នៅរសៀលថ្ងៃព្រហស្បតិ៍ ៥ រោច ខែទុតិយាសាឍ ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី២៩ ខែកក្កដា ឆ្នាំ២០២១ នេះឯកឧត្តម ប៉ាន់ខែម ប៊ុនថន នាយករងខុទ្ទកាល័យ សម្តេចអគ្គមហាសេនាបតីតេជោ ហ៊ុន សែន បានអញ្ជើញជាអធិបតីក្នុងកិច្ចប្រជុំពិភាក្សាអំពីវឌ្ឍនភាពគម្រោងសាងសង់សួនច្បារ ប៉ោយប៉ែតតេជោឈ្នះ-ឈ្នះ នៅក្រុងប៉ោយប៉ែត សម្រាប់បម្រើជូនបងប្អូនប្រជាពលរដ្ឋ សាធារណជនសម្រាកលំហែរ និងហាត់ប្រាណ ។ 



កិច្ចប្រជុំខាងលើបានការអញ្ចើញចូលរួមពីឯកឧត្តម ង៉ោម៉េងជ្រួន អភិបាលរងខេត្តបន្ទាយមានជ័យ ,លោកអាង ណារិទ្ធ ប្រធានមន្ទីររៀបចំដែនដី នគរូបនីយកម្ម សំណង់និងសុរិយោដីខេត្ត និងសហការី, លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត, លោក លោស្រី អភិបាលរងក្រុង, លោកនាយកនាយករងទីចាត់ការអន្តរវិស័យខេត្ត , លោកនាយក នាយករងរដ្ឋបាលក្រុង លោកប្រធានការិយាល័យសាធារណការ សណ្តាប់ធ្នាប់អណាម័យ បរិស្ថានក្រុង, លោកអធិការរងក្រុង លោកមេបញ្ជាការរងមូលដ្ឋានកងរាជអាវុធហត្ថក្រុង លោកចៅសង្កាត់ផ្សារកណ្តាល និងប៉ោយប៉ែត រួមនិងមន្ត្រីជំនាញពាក់ព័ន្ទជាច្រើនរូបទៀត ។ 



សូមបញ្ជាក់ថា គម្រោងសួនច្បារប៉ោយប៉ែតតេជោ ឈ្នះ-ឈ្នះ គ្រោងសាងសង់ឡើងនៅតាមបណ្តោយចន្លោះដងផ្លូវជាតិ៥ និងផ្លូវរថភ្លើង ស្ថិតក្នុងភូមិ អូរជ្រៅសង្កាត់ប៉ោយប៉ែត និងភូមិគីឡួលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ មានផ្ទៃក្រឡាប្រមាណ ៩,៦០០ ម៉ែត្រការេ មានចំណតយានជំនិះ រៀបការ៉ូឡា លម្អរដោយដើមឈើ ដើមត្នោត ផ្កា និងបំពាក់ដោយឧបករណ៍ហាត់ប្រាណ បន្ទប់ទឹកសាធារណៈជាដើម....។ល។ ។ 



គួររំលឹកផងដែរថា ទីតាំងគម្រោងសួនខាងលើកន្លងមកជាទីតាំងដីចំណីផ្លូវសាធារណៈ ដែលត្រូវបានបងប្អូនប្រជាពលរដ្ឋសាងសង់សំណង់មិនរៀបរយរស់នៅ ធ្វើឱ្យបាត់បងសណ្តាប់ធ្នាប់និងសោភ័ណភាពក្រុងជាច្រើនឆ្នាំមកហើយ។  



ដោយមានកិច្ចខិតខំប្រឹងប្រែងសហការរវាងក្រុមការងារខុទ្ទកាល័យសម្តេចតេជោ ហ៊ុន សែន ដែលដឹកនាំផ្ទាល់ដោយឯកឧត្តម ប៉ាន់ខែម ប៉ុនថន នាយករងខុទ្ទកាល័យ ជាមួយរដ្ឋបាលខេត្តបន្ទាយមានជ័យ ដែលមានឯកឧត្តមង៉ោ ម៉េងជ្រួន អភិបាលរងខេត្ត តំណាងឯកឧត្តម អ៊ុំ រាត្រី អភិបាលនៃគណៈអភិបាលខេត្ត , លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត មន្ទីរអង្គភាពពាក់ព័ន្ធ និងលោក យ៉ាង គឹមហ៊ុយ សប្បុរជនគាំទ្រគម្រោង បានធ្វើការសម្របសម្រួលជាមួយបងប្អូនប្រជាពលរដ្ឋរងផលប៉ះពាល់ ដោយឈរលើគោលការណ៍ស្ម័គ្រចិត្ត ប្រជាពលរដ្ឋទាំងនោះបានយល់ព្រមធ្វើការស្វ័យរុះរើសំណង់ការ្យផ្សេងៗរបស់ពួក ទៅរស់នៅទីតាំងថ្មីដីកម្មសិទ្ធិ ក្នុងទឹកដីបឹងជង្រុក ភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដែលជាអំណោយដ៏ថ្លៃថ្លាបំផុតរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។



ក្នុងនាមប្រជាពលរដ្ឋក្រុងប៉ោយប៉ែត សូមចូលរួមអបអសារចំពោះគម្រោងអភិវឌ្ឍសួនខាងលើ ព្រោះម្រោងនេះនឹងជួយលើកម្ពស់មុខមាត់សោភ័ណភាពក្រុងប៉ោយប៉ែតថែមមួយកម្រិតទៀត ជាពិសេស លើកកម្ពស់សុខមាលភាពសង្គមតាមរយៈបងប្អូនប្រជាពលរដ្ឋនឹងមានសួនសាធារណៈសម្រាប់សម្រាកលំហែរ និងហាត់ប្រាណ ដើម្បីសុខភាពទាំងអស់គ្នា។ 

#ដោយលោកសៅកុសលតាខ្មៅ០៤!!!!!










ទីតាំងល្បែងស៊ីសងដុះស្លែមួយកន្លែងនៅភូមិគោកឪឡឹកតើលោក មេប៉ុស្តិ៍សង្កាត់ស្ពានថ្មមានសមត្ថភាពចុះបង្ក្រាបទេ!!!!!

ចេញផ្សាយថ្ងៃ : Thursday, July 29, 2021
អ្នកនិពន្ធ:



ទីតាំងល្បែងស៊ីសងដុះស្លែមួយកន្លែងនៅភូមិគោកឪឡឹកតើលោក មេប៉ុស្តិ៍ស្ពានថ្មមានសមត្ថភាពចុះបង្ក្រាបទេ!!!!!

....................................................................

ភ្នំពេញ៖ចេញផ្សាយនៅថ្ងៃទី២៩.០៧.២០២១ ទីតាំងល្បែងស៊ីសងដុះស្លែ «មាន់ជល់ ហាយឡាយ » ប្រភេទកាស៊ីណូអនឡាញ មួយកន្លែងស្ថិតនៅភូមិគោកឪឡឹក សង្កាត់ស្ពានថ្ម ខណ្ឌដង្កោរ កំពុងតែបើកដំណើរការយ៉ាងរលូន ខណៈអាជ្ញាធរនិងសមត្ថកិច្ចមូលដ្ឋាន មិនឃើញបង្ក្រាប។



តើលោកមេប៉ុស្តិ៍សង្កាត់ស្ពានថ្ម មានសមត្ថភាពចុះបង្ក្រាបទីតាំងមួយនេះបានដែរទេ រឺនៅតែបណ្តែតបណ្ដោយអោយទីតាំងល្បែងស៊ីសងមួយនេះប្រមូលផ្ដុំគ្នាលេងយ៉ាងគឃ្លើនមិនខ្លាចញញើតនឹងការរីករាលដាលជំងឺកូវីដ១៩ដែលក្រសួងសុខាភិបាលកំពុងតែទប់ស្កាត់។


ប្រជាពលរដ្ឋបានសម្តែងការព្រួយបារម្ភយ៉ាងខ្លាំងពីសុខទុក្ខរបស់គាត់ ខណៈដែលអ្នកញៀនល្បែងជាច្រើន កំពុងតែប្រមូលផ្ដុំគ្នាលេងយ៉ាងកក្រើកក្រែងញញើតពីសមត្ថកិច្ចមូលដ្ឋាន។



ពាក់ព័ន្ធទីតាំងល្បែងស៊ីសងខាងលើប្រជាពលរដ្ឋសុំសំណូមពរដល់៖លោក ជឹម សុីថា អធិការនគរបាលខណ្ឌដង្កោរ មេត្តាចាត់វិធានការទប់ស្កាត់បទល្មើសល្បែងស៊ី សងខុសច្បាប់ខាងលើនេះផងទានចៀសវាងការរិះគន់ពីមហាជនក៏ដូចជាប្រជាពលរដ្ឋថាអសមត្ថភាពនិងការបង្រ្កាប់ល្បែងស៊ីសង៕


ជុំវិញការចុះផ្សាយល្បែងស៊ីសងលើអង្គភាព(រស្មីក្រុងតាខ្មៅ)រង់ចាំការបំភ្លឺគ្រប់ស្ថាប័នពាក់ព័ន្ធរាប់ម៉ោងធ្វើការ។


ការិយាល័យនិពន្ធ📱0967117744/017279124





ទីតាំងល្បែងស៊ីសងដុះស្លែមួយកន្លែងនៅភូមិដំណាក់ត្រយឹង តើលោក សាន ប៉ែត មេប៉ុស្តិ៍ចោមចៅ២មានសមត្ថភាពចុះបង្ក្រាបទេ!!!!!

ចេញផ្សាយថ្ងៃ : Thursday, July 29, 2021
អ្នកនិពន្ធ:



ទីតាំងល្បែងស៊ីសងដុះស្លែមួយកន្លែងនៅភូមិដំណាក់ត្រយឹង តើលោក សាន ប៉ែត មេប៉ុស្តិ៍ចោមចៅ២មានសមត្ថភាពចុះបង្ក្រាបទេ!!!!!

....................................................................

ភ្នំពេញ៖ចេញផ្សាយនៅថ្ងៃទី២៩.០៧.២០២១ ទីតាំងល្បែងស៊ីសងដុះស្លែ «មាន់ជល់ ហាយឡាយ » ប្រភេទកាស៊ីណូអនឡាញ មួយកន្លែងស្ថិតនៅភូមិដំណាក់ត្រយឹង សង្កាត់ចោមចៅ២ ខណ្ឌពេាធិសែនជ័យ កំពុងតែបើកដំណើរការយ៉ាងរលូន ខណៈអាជ្ញាធរនិងសមត្ថកិច្ចមូលដ្ឋាន មិនឃើញបង្ក្រាប។



តើលោក សាន ប៉ែត មេប៉ុស្តិ៍ចោមចៅ២ មានសមត្ថភាពចុះបង្ក្រាបទីតាំងមួយនេះបានដែរទេ រឺនៅតែបណ្តែតបណ្ដោយអោយទីតាំងល្បែងស៊ីសងមួយនេះប្រមូលផ្ដុំគ្នាលេងយ៉ាងគឃ្លើនមិនខ្លាចញញើតនឹងការរីករាលដាលជំងឺកូវីដ១៩ដែលក្រសួងសុខាភិបាលកំពុងតែទប់ស្កាត់។



ប្រជាពលរដ្ឋបានសម្តែងការព្រួយបារម្ភយ៉ាងខ្លាំងពីសុខទុក្ខរបស់គាត់ ខណៈដែលអ្នកញៀនល្បែងជាច្រើន កំពុងតែប្រមូលផ្ដុំគ្នាលេងយ៉ាងកក្រើកក្រែងញញើតពីសមត្ថកិច្ចមូលដ្ឋាន។



ពាក់ព័ន្ធទីតាំងល្បែងស៊ីសងខាងលើប្រជាពលរដ្ឋសុំសំណូមពរដល់៖លោក ម៉ន វុធី អធិការនគរបាលខណ្ឌពោធិ៍សែនជ័យ មេត្តាចាត់វិធានការទប់ស្កាត់បទល្មើសល្បែងស៊ីសងខុសច្បាប់ខាងលើនេះផងទានចៀសវាងការរិះគន់ពីមហាជនក៏ដូចជាប្រជាពលរដ្ឋថាអសមត្ថភាពនិងការបង្រ្កាប់ល្បែងស៊ីសង៕

ជុំវិញការចុះផ្សាយល្បែងស៊ីសងលើអង្គភាព(រស្មីក្រុងតាខ្មៅ)រង់ចាំការបំភ្លឺគ្រប់ស្ថាប័នពាក់ព័ន្ធរាប់ម៉ោងធ្វើការ។

ការិយាល័យនិពន្ធ📱0967117744/017279124

#ដោយតាខ្មៅ!!!!!





Wednesday, July 28, 2021

លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ អញ្ជើញចុះជួបសំណេះសំណាលសួរសុខទុក្ខ ត្រួតពិនិត្យកងកម្លាំងនគរបាល និងតំបន់បិទខ្ទប់ ដែលប្រជាពលរដ្ឋរស់នៅជុំវិញផ្សារប្រកបអាជីវកម្មលក់ដូរផ្អាកបណ្តោះអាសន្នរយៈពេល១៤ថ្ងៃ!!!!!

ចេញផ្សាយថ្ងៃ : Wednesday, July 28, 2021
អ្នកនិពន្ធ:



........................................................................

ខេត្តតាកែវ៖ នាព្រឹកថ្ងៃពុធ ០៤រោច ខែទុតិយាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១ លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ រួមដំណើរដោយក្រុមការងារស្នងការដ្ឋាននគរបាលខេត្ត"បន្តអញ្ជើញចុះជួបសំណេះសំណាលសួរសុខទុក្ខ ត្រួតពិនិត្យកងកម្លាំងនគរបាល និងសមត្ថកិច្ចអាជ្ញាធរមូលដ្ឋានពាក់ព័ន្ធក្នុងផ្សារអង្គតាសោមជា តំបន់បិទខ្ទប់ ដែលប្រជាពលរដ្ឋរស់នៅជុំវិញផ្សារប្រកបអាជីវកម្មលក់ដូរផ្អាកបណ្តោះអាសន្នរយៈពេល១៤ថ្ងៃ ស្ថិតនៅភូមិអង្គតាសោម ឃុំអង្គតាសោម ស្រុកត្រាំកក់ ខេត្តតាកែវ"។


ឆ្លៀតក្នុងឱកាសចុះសំណេះសំណាលនោះដែរលោកឧត្តមសេនីយ៍ទោ ស្នងការ បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ព្រមទាំងនាំយកសម្ភារៈឧបត្ថម្ភផ្ទាល់ខ្លួនមួយចំនួនដល់កម្លាំងនគរបាលប្រចាំការនៅគោលដៅតំបន់បិទខ្ទប់រួមមាន៖ មីចំនួន ២០កេស ទឹកសុទ្ធចំនួន ២០កេស ម៉ាស់ចំនួន ១០ប្រអប់ ទឹកអាល់កុលចំនួន ៣០លីត្រ ជូនដល់លោកអធិការនគរបាលស្រុកត្រាំកក់ ធ្វើការបែងចែកដល់មន្រ្តីនគរបាលឈរជើងប្រចាំការតំប់បិទខ្ទប់សម្រាប់ប្រើប្រាស់ប្រចាំថ្ងៃ។ មានមតិណែនាំនោះលោកឧត្តមសេនីយ៍ទោ ស្នងការ បានជម្រុញឲ្យលោកអធិការ អាជ្ញាធរមូលដ្ឋាន ក៏ដូចជាប្រជាពលរដ្ឋរស់នៅតំបន់បិទខ្ទប់ទាំងនោះចេះអនាម័យខ្ពស់ទៅណាមកណាត្រូវពាក់ម៉ាស់ឲ្យបានគ្រប់គ្នាពីព្រោះមេរោគថ្មីហៅថា(Delta ដែលតា)វាបំលែងខ្លួនងាយឆ្លងណាស់ ដើម្បីចូលរួមបង្ការទប់ស្កាត់ការរីករាលដាល នៃជំងឺកូវីដ(COVID-១៩) ត្រូវតែអនុវត្តន៍តាមក្រសួងសុខាភិបាល នឹងជាពិសេសអនុវត្តតាមអនុសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នូវវិធានការការពារឲ្យបានខ្ជាប់ខ្ជួន​ជានិច្ច គឺ៣កុំ និង៣ការពារផងដែរ៕

#ដោយរស្មីក្រុងតាខ្មៅ!!!!!



























ព័ត៌មានទូទៅប្រចាំថ្ងៃ