សន្តិសុខសង្គម

ផ្សាយពាណិជ្ជកម្ម
សូមស្វាគមន៍ រស្មីក្រុងតាខ្មៅ: ទីស្នាក់ការកណ្ដាល ភូមិព្រែកថ្មីសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ / រស្មីក្រុងតាខ្មៅ: ទំនាក់ទំនងតាមរយៈលេខ៖ 017279124/0967117744

Breaking News

ជនបរទេសសង្ស័យ០៣នាក់ត្រូវបានអាវុធហត្ថក្រុងប៉ោយប៉ែតបញ្ជូនសំណុំរឿងទៅតុលាការ..!!!

ដោយ :សារព័ត៌មានរស្មីក្រុងតាខ្មៅ-ញូស៍

បន្ទាយមានជ័យ៖ ករណីជនជាតិថៃនិងចិនបើករថយន្តបុកម៉ូតូកង់បីស្រាបៀរ នៅក្រុងប៉ោយប៉ែតសមត្ថកិច្ចអាវុធហត្ថរកឃើញបទព្រហ្មទណ្ឌមួយទៀតរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការបន្តនៅថ្ងៃទី២២ ខែមីនា ឆ្នាំ២០២៣។

ករណីជនជាតិថៃ និងចិនមួយក្រុមមានគ្នា៥នាក់ បើករថយន្តម៉ាកLexus RX330 ពាក់ផ្លាកលេខភ្នំពេញ.2BC-5949 ពណ៌ទឹកប្រាក់ បើកបរក្នុងល្បឿនលឿនហើយរ៉េចុះឡើង បានជ្រុលបុកកង់បីស្រាបៀរនៅមុខវត្តផ្សារកណ្តាលកាលពីវេលាម៉ោង១១.៣០នាទី ថ្ងៃទី២០ ខែមីនា ឆ្នាំ២០២៣ ដែលមានអ្នកនៅក្នុងរថយន្តរត់យកកាំបិតប៉ាំងតោទៅលាក់ក្នុងធុងសំរាម និងជនរងគ្រោះជាជនជាតិចិនយំឲ្យស្រែកឲ្យជួយនោះ ត្រូវបានសមត្ថកិច្ចអាវុធហត្ថបញ្ជាក់ថា ជាករណីហិង្សាដោយចេតនា ដែលជនជាតិថៃ៣នាក់ យកកាំបិតកាប់លើជនរងគ្រោះជាជនជាតិ២នាក់ដែលឃើញរបួសស្នាមជាច្រើនកន្លែងនៅក្នុងរថយន្ត។


លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឲ្យដឹងថា ជនសង្ស័យទាំង៣នាក់មាន៖  

១.ឈ្មោះ  Soraprach Kiryapong ភេទប្រុស ជនជាតិថៃ,  

២.ឈ្មោះ  Supphachai Setteemut ភេទប្រុស ជនជាតិថៃ ។ 

៣.ឈ្មោះ  MONSAK AIMYOO (ហៅសៀ)  ភេទប្រុស ជនជាតិថៃ។ ជនសង្ស័យទាំង៣នាក់ស្នាក់នៅបណ្តោះអាសន្នភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ 


ក្រោយពីករណីរថយន្តបើកបុកម៉ូតូកង់បីដឹកស្រាបៀររួច ឃើញសកម្មភាពខាងលើនេះ សមត្ថកិច្ចអាវុធហត្ថក្រុងប៉ោយប៉ែតមានការសង្ស័យ បានឃាត់ខ្លួនជនជាតិថៃ និងចិន ទាំងនោះសួរ នាំរួច ជនសង្ស័យទាំង៣នាក់បានសារភាពថា  ពួកខ្លួនពិតជាបានធ្វេីសកម្មភាពកាប់ទៅលេីជនរងគ្រោះជាជនជាតិចិនពិតប្រាកដមែន។ 

ដោយផ្អែកលេីចម្លេីយសារភាព  និងមានវត្ថុតាងជាក់ស្តែងកម្លាំងមូលដ្ឋានកងរាជអាវុធហត្ថក្រុង បានកសាងសំណុំរឿង បញ្ជូនជនសង្ស័យមកកាន់បញ្ជាការដ្ឋានកងរាជអាវុធហត្ថខេត្ត និងបញ្ជូនបន្តទៅសាលាដំបូងខេត្តបន្ទាយមានជ័យចាត់ការបន្ត។

ពាក់ព័ន្ធនឹងបញ្ហាខាងលើនេះ សមត្ថកិច្ចអាវុធហត្ថមិនបានបញ្ជាក់ពីមូលហេតុដែលធ្វើឲ្យជនជាតិថៃប្រើអំពើហិង្សាលើជនជាតិចិន២នាក់នោះឡើយ។ មិនដឹងថា ជាករណីចាប់ជម្រិត ឬករណីជម្លោះចងគំនុំឬយ៉ាងណានោះតេ៕

ដោយ៖លោក សៅ កុសល ហៅតាខ្មៅ០៤..!!!



No comments