លោកវរសេនីយ៍ឯក ប៊ុន ណាំអៀង មេបញ្ជាការរងកងរាជអាវុធហត្ថខេត្តនិងលោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត អញ្ជើញចូលរួមស្តាប់ការផ្សព្វផ្សាយផែនការស្តីពីកិច្ចសហការបង្ក្រាបបទល្មើសនេសាទខុសច្បាប់បឹងទន្លេសាប!!!
ខេត្តបន្ទាយមានជ័យ៖នាព្រឹកថ្ងៃព្រហស្បតិ៍ ទី៣១ ខែមីនា ឆ្នាំ២០២២ លោកវរសេនីយ៍ឯក ប៊ុន ណាំអៀង មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវព័ត៌មានសន្តិសុខ និងលោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើស បានដឹកនាំលោកប្រធានមន្ទីរទាំង៧ លោកមេបញ្ជាការមូលដ្ឋានកងរាជអាវុធហត្ថស្រុកមង្គលបូរី និងស្រុកព្រះនេត្រព្រះ សរុបចំនួន១២រូប អញ្ជើញចូលរួមស្តាប់ការផ្សព្វផ្សាយផែនការលេខ១៩/២០២២ ផ.ក ស្តីពីកិច្ចសហការបង្ក្រាបបទល្មើសនេសាទខុសច្បាប់បឹងទន្លេសាប និងផ្សព្វផ្សាយផែនការលេខ១៦/២០២២ ផ.ក របស់គណ:បញ្ជាការការពារស្ដីពីផែនការ ការពារសន្តិសុខ សណ្ដាប់់ធ្នាប់ ក្នុងឱកាសកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ នៅខេត្តសៀមរាប ឆ្នាំ២០២២ ។
ការផ្សព្វផ្សាយនេះធ្វើឡើងតាមរយ:ប្រព័ន្ធបញ្ជូនរូបភាព និងសម្លេង (Video Conference) ក្រោមអធិបតីភាពលោកឧត្តមសេនីយ៍ទោ ស សំបូរធន នាយសេនាធិការដ្ឋាន កងរាជអាវុធហត្ថលើផ្ទៃប្រទេស នៅសាលប្រជុំតូចជាន់ទី៣ អគារសេនាធិការដ្ឋានកងរាជអាវុធហត្ថខេត្តបន្ទាយមានជ័យ ៕
No comments