Ticker

10/ព័ត៌មានជាតិ/ticker-posts

បុរសម្នាក់ជាឃាតករលាក់ខ្លួនក្នុងឃាតកម្មជាង២០ឆ្នាំមុននៅប្រទេសកូរ៉េ ត្រូវបានកម្លាំងជំនាញនៃស្នងការខេត្តបន្ទាយមានជ័យចាប់ខ្លួនបាន!!!

ខេត្តបន្ទាយមានជ័យ៖ថ្ងៃទី ២៥ ខែកញ្ញា ឆ្នាំ២០២១នេះ លោកឧត្តមសេនីយ៍ទោ សិទ្ធិ ឡោះ ស្នងការ នគរបាល ខេត្តបន្ទាយមានជ័យ  និងសហការី នៅ បានអញ្ជើញផ្តល់បទសម្ភាស ជាមួយភ្នាក់ងារយកពត៌មានទូរទស្សន៍ SBS TV ប្រទេសកូរ៉េ ដែលកិច្ចធ្វើបទសម្ភាសនេះគឺផ្ដោត លើ ករណីអំពើឃាតកម្ម មួយនៅប្រទេសកូរ៉េ កាលពីថ្ងៃទី ០៥ ខែ វិច្ឆិកា ឆ្នាំ ១៩៩៩ ហើយឃាតករបានរត់គេចខ្លួនរយៈពេលជាង២០ឆ្នាំ ហើយត្រូវបានកម្លាំងនគរបាលខេត្តបន្ទាយមានជ័យចាប់ខ្លួនបាន ក្រោមការដឹកនាំបញ្ជាផ្ទាល់ពី ឯកឧត្តម នាយឧត្តមសេនីយ៍ អគ្គស្នងការ នគរបាលជាតិ។

លោកឧត្តមសេនីយ៍ទោ សិទ្ធិ ឡោះ បានមាន ប្រសាសន៍ថា កិច្ចសម្ភាសនេះគឺផ្តោតសំខាន់លើ កិច្ចសហប្រតិបត្តិការណ៍ រវាងភាគី នគរបាលកូរ៉េ និង នគរបាលកម្ពុជា ចុះស្រាវជ្រាវ និងឃាត់បុរសជនជាតិកូរ៉េឈ្មោះ KIM KISU ដែលបានរត់គេចខ្លួនមករស់នៅក្នុងប្រទេសកម្ពុជា និងបានបញ្ជូនបន្តទៅនាយកដ្ធានប្រឆាំងភេរវកម្ម និងឧក្រដ្ធកម្មឆ្លងដែន ដើម្បីចាត់ការបន្តតាមនីតិវិធី។

គួរបញ្ជាក់ថា ជនសង្ស័យជនជាតិកូរ៉េឈ្មោះ KIM KISU ត្រូវបានឃាត់ខ្លួនកាលពីថ្ងៃទី២៣ ខែមិថុនា ឆ្នាំ២០២១ កន្លងទៅ នៅក្នុងក្រុងសិរិសោភ័ណ ខណ:ដែលជនសង្ស័យកំពុងជិះរថយន្តមកពីជាយដែនប៉ោយប៉ែត ដោយកម្លាំងនគរបាលស្នងការដ្ឋាននគរបាល ខេត្តបន្ទាយមានជ័យ៕

ដោយ៖លោកសៅកុសល០៤!!!!!






Post a Comment

0 Comments